Аққайың ауданында спорт кешенi ашылды

«Бүгiн Аққайың ауданы тұрғындары үшiн ерекше күн. Смирновта заманауи спорттық сауықтыру кешенi ашылды. Балалар мен ересектер жыл бойы жайлы жағдайда спортпен айналыса алады. Осылайша, аудан орталықтарында 6 жаңа спорт кешенi салынды», — деп жазды облыс әкiмi Құмар Ақсақалов әлеуметтiк желiдегi парақшасында.

Тағы 4 кешеннiң құрылысы жүрiп жатыр. Жалпы облыс аудандарында барлығы 10 заманауи спорт кешенi болады. Жаңа спорт нысандарының ашылуы балалар мен жасөспiрiмдер спортын жүйелi түрде дамытуға мүмкiндiк бередi.