Солтүстiк Қазақстанда жаңа баспана мен шағын орталық қолданысқа берiлдi

СҚО әкiмi Құмар Ақсақалов Береке ықшам ауданындағы 100 пәтерлi үйдiң тұрғындарымен кездесiп, қоныс тоймен құттықтады.

«Қоныстойды көпбалалы отбасылар, жетiмдер, мүгедектер атап өтуде. Биыл 8 мыңнан аса адам пәтерге ие болды. Оның iшiнде 126-сы көп балалы отбасылар. 3 жылда көпбалалы отбасыларды баспанамен толық қамтамасыз етемiз», — деп жазды өңiр басшысы жеке парақшасында.

Бұл күнi Петропавлда жаңа шағын орталықтың ашылуы өттi. Орталыққа 3 жасқа дейiнгi балалар барады.

«Бүгiнде 3 пен 6 жас аралығындағы барлық балалар балабақшаға барады. Ендiгi мақсат: 3 жасқа дейiнгi бүлдiршiндерi қамтамасыз ету. Бұл үшiн көпқабатты үйлерде шағын орталықтарды ашатын боламыз», — дедi Құмар Ақсақалов.