СҚО әкiмi газдандыру бойынша Сенатта сөз сөйледi

СҚО әкiмi Құмар Ақсақалов Сенаттың Үкiмет сағатында газдандыру мәселесi бойынша сөз сөйледi.

Облыста жыл сайын көмiр тұтыну көлемi 619 мың тоннаны құрайды. 1 жеке меншiк үйге көмiр мен отынға жұмсалатын шығын орташа есеппен айына 25 мың теңгенi құрайды. Бiр тұрғынға жылыту маусымына барлығы 189 мың теңге қажет. Салыстыру үшiн айтсақ. Қарағанды облысында 1 жеке меншiк үйдi газбен қамтуға айына 14 мың теңге кетедi. Нұр-Сұлтан қаласында тұрғындар айына 13 мың теңге жұмсайды.

«Облысты газдандыру үшiн «Сарыарқа» газ құбырын тарту ең ұтымды нұсқа болып табылады. Бұл жобаның құны — 140 млрд.тг. 139 елдi-мекен қосылып, 457 мың адам қамтылмақ. Облыстың газға деген қажеттiлiгi жылына 2 млрд.текше метрдi құрамақ», — деп айтты СҚО әкiмi Құмар Ақсақалов.

Облыс басшысы газдың келуi инвесторларды тартып, халықтың өмiр сапасын жақсартуға мүмкiндiк бермек дедi.