СҚО әкiмi Оңтүстiк Орал темiр жолының басшысымен кездестi

«Оңтүстiк Орал темiр жолының басшысы Игорь Рязановпен жүздестiм. Кездесуде темiр жол саласын дамыту және екi ел арасындағы жолаушылар тасымалы мәселелерiн талқыладық. «Петропавл-Есiлкөл» және «Петропавл-Петухово» электр пойыздарының қозғалысын жандандыруға келiстiк. Естерiңiзге сала кетейiн, олардың қозғалысы 2 жыл бұрын пандемияға байланысты тоқтап қалған едi. Көлiктiң бұл түрi шекаралас облыстардың тұрғындары арасында сұранысқа ие», — деп жазды СҚО әкiмi Құмар Ақсақалов әлеуметтiк желiдегi парақшасында.

Сондай-ақ кездесуде «Маслодел» серiктестiгi салып жатқан майды экстракциялау зауыты үшiн қажеттi кiрме темiр жолды салу мәселесi талқыланды. Облыс үшiн өте маңызды өндiрiс ошағы. 15 млрд.тг инвестиция тартылуда. 200-ден астам жаңа жұмыс орны ашылады. Бұл жоба тез арада бекiтiлмек.