Солтүстiк Қазақстанда 2020 жылы 3 мың пәтер салынады

СҚО әкiмдiгiнiң отырысында баспана құрылысы қаралды. Биыл қарқын жоғары. 2018 жылы 2068 пәтер салынса, биыл 2240 қолданысқа берiлмек. 2020 жылы 2842 пәтердi салу көзделген. Облыс әкiмi бұл көрсеткiштi 3 мыңға апаруға әбден болады дейдi.

Ипотекалық несиеге сұраныс 32 пайызға артқан. «7-20-25» жобасы бойынша 701 өтiнiм қабылданса, оның 468-i мақұлданды.

«Әлеуметтiк тұрғыда аз қамтылғандарға 482 пәтер салынды, оның 124-i көпбалалы отбасыларға. Яғни, 30 пайызы. 3 жылда бұл категорияның баспана мәселесiн толық шешемiз», — дедi Құмар Ақсақалов.