СҚО әкiмi Шаховское ауылының тұрғындарымен кездестi

"Бүгiн Қызылжар ауданындағы Шаховское ауылының тұрғындарымен кездестiм. Бұл кездесуде ауылдың өзектi мәселелерi талқыланды. Ауылдықтардың барлық сұрақтары мен ұсыныстары бақылауға алынды", — деп жазды облыс әкiмi Құмар Ақсақалов әлеуметтiк желiдегi парақшасында.

Соңғы 5 жылда Шаховское ауылына бюджеттен 447 млн.тг бөлiндi. Көшеге жарықтандыру орнатылды, су жүйесi тартылып, тұрғындардың 80% үйге су кiргiздi. Биыл шағын футбол алаңы мен балалар алаңқайы салынады. Ауыл тұрғындары үшiн өзектi мәселе — кiреберiс жол. Қазiр 12 шақырым жолды жөндеудi республикалық бюджеттен қаржыландыру мәселесi шешiлуде.

«Крахмал агро» серiктестiгiнiң басшылығы да Шаховское ауылын дамыту бойынша мiндеттемелер алды. Бұл қызметкерлердiң жалақысын көтеру, 1-4 сынып оқушыларын тегiн тамақтандыру, демалыс орталығын ашу, үйлерге су тарту, спорт алаңын орнату, медпункт пен пошта орналасқан ғимаратты жөндеу.