Су тасқыны кезеңiне дайындық

Бұл мәселе облыс әкiмдiгiнiң отырысында талқыланды.

Биылғы жылы жедел әрекет ету үшiн 2,5 мың адамнан және 1,5 мың бiрлiк техникадан тұратын күштер тобы құрылды.

Соңғы 5 жылда 170 елдi мекенде су тасқыны қаупi жойылды.

«130 шақырымнан астам жер үйiндiлерi, 7 шақырымнан астам қорғаныс бөгеттерi салынды, облыс жолдарына 79 су өткiзгiш құбыр, 7 құбыр орнатылды, 48,5 шақырым су бұру жүйесi салынды және жөнделдi», — деп атап өттi облыс әкiмi Құмар Ақсақалов.

Биыл 6 мыңнан халқы бар 85 ауыл бақылауға алынған, оның 13-де қауiп жоғары.