3 мың солтүстiкқазақстандық бала тегiн спорт секцияларына барады

Бұл жайында әлеуметтiк желiдегi парақшасында СҚО әкiмi Құмар Ақсақалов мәлiмдедi.

Облыстағы 27 спорт мектебiнде 13 мыңнан астам бала оқиды. Спорт инфрақұрылымы дамып келедi. Өңiрде 3 мың спорттық нысан бар.

Соңғы бiр жылда аудан орталықтарында 2 заманауи спорттық-сауықтыру кешенi ашылды. Тағы 5 спорт орталығының құрылысы жалғасуда. Өткен қыста аудандарда 3 хоккей корты қолданысқа берiлдi. Жыл соңына дейiн тағы 2 хоккей кешенi ашылады. Дарынды жас спортшыларымыз оқитын мектеп-интернат-колледжге арналған жатақхананың құрылысы басталды.

«Президенттiң тапсырмасы бойынша спорттағы мемлекеттiк тапсырыс жобасы жүзеге асырылуда. Бұл ата -аналар мен балалар үшiн керемет жаңалық. Облыста 3 мыңнан астам бала ақылы спорт секцияларында айналысады. Ендi олардың барлығы тегiн секциялармен қамтылатын болады», — деп жазды өңiр басшысы.