Құмар Ақсақалов: «Латын әлiпбиiне көшу Қазақстанның жаһандық бәсекелестiктi арттыруға бағытталған»

Бұл туралы Солтүстiк Қазақстан болысының әкiмi Құмар Ақсақалов XIX облыстық Қазақстан халқы тiлер фестивалiнде айтты.

Ол қазақ тiлiнiң латын әлiпбиiне көшуiн елiмiздiң рухани-мәдени дамуының тарихи негiзi екенiн атап өттi.

«Жер бетiндегi адамзатқа қатысты дүниенiң негiзгi кiлтi — тiл. Ұлттық сананы қалыптастыру жолында тiлдiң атқарар рөлi де өте маңызды. Үстiмiздегi жылдың 11-шi қыркүйегiнде Қазақстан Республикасы Парламентi Мәжiлiсiнде «Мемлекеттiк тiлдi латын графикасына көшiру туралы» Парламент тыңдауы өттi. Бүгiнгi күнi елiмiзде осы мәселе кеңiнен талқылануда. Сiздер де тiлдi жаңғырту жұмысын қолдайды деп сенемiн. Латын графикасына көшу — бұл мемлекеттiк тiлдiң табиғи таза қалпын сақтауға мүмкiндiк бередi. Жаңа графика халықаралық ақпарат әлемiне тиiмдi жол ашады. Дамудың жаңа белеске шығуына, түркi тiлдес халықтардың өзара байланысының артуына, заман талабына сай жас ұрпақтың ағылшын тiлiн меңгеруiне зор ықпалын тигiзедi», — дедi Құмар Ақсақалов.

Тiлдердi дамытуға үлес қосқаны үшiн 13 солтүстiкқазақстандық құрмет грамоталарымен және алғыс хаттармен марапатталды.

Фестиваль облыстың шығармашылық ұжымдары әзiрлеген концерттiк бағдарламамен аяқталды.