Петропавлда 140 балаға шақталған балабақша қолданысқа берiлдi

Бүгiн «Орман» шағын ауданының тұрғындарында үлкен мереке. Бұл ауданда 140 балаға шақталған балабақша салтанатты түрде ашылды. Қуанышты оқиғамен бүлдiршiндер, ата-аналар мен тәрбиешiлердi облыс әкiмi Құмар Ақсақалов құттықтады. Балабақшада 7 топ ашылды, 48 педагог бүлдiршiндерге тәрбие бередi. Аталмыш мекеме мемлекеттiк-жекеменшiк әрiптестiк аясында тұрғызылды.

Облыста осы күнге дейiн мектепке дейiнгi бiлiммен қамту 99,8 пайызды құраған болатын. Жаңа балабақша ашылғаннан кейiн, бұл көрсеткiш 100 пайызға жеттi.