Петропавлдағы баспана тұрғындарына компенсация төленедi

Петропавлдағы көпқабатты тұрғын үйдiң иелерiне жергiлiктi билiк нақты шығындарды қайтарады. Бұл жайында Фейсбуктегi жеке парақшасында СҚО әкiмi Құмар Ақсақалов мәлiмдедi.

«Петропавл қаласында «Нұрлы жер» бағдарламасы бойынша салынған үйдiң мәселесi менiң жеке бақылауымда. Осыған дейiн бұл сұрақ бойынша қала әкiмдiгiне тапсырма бергенмiн. Тиiстi тұлғалар жауапқа тартылады. Баспана иелерiн бұл мәселемен жалғыз қалдырмаймыз, нақты шығындар қайтарылады. Үй бойынша инженерлiк жұмыстар 20 мамырға қарай аяқталады», — деп жазды Құмар Ақсақалов.