Солтүстiк Қазақстанның жедел жәрдем автопаркi 18 заманауи реанимобилмен толықты

Бүгiн Петропавлда 18 жаңа реанимобилдiң таныстырылымы өттi. Жаңа машиналардың жұмысымен өңiр басшысы Құмар Ақсақалов танысты.

Облыста 41 жедел жәрдем көлiгi бар. Оның 10-ы заманауи. Соңғы 3 жылда 6 реанимобиль алынды. Бүгiн тағы Хюндай маркалы 18 реанимобиль келдi. Жыл соңына дейiн тағы 20 реанимобиль аудандарға жөнелтiледi. Олар қажеттi қондырғылармен қамтамасыз етiлген.

«Осы күнге дейiн облыс жедел жәрдеммен 76% қамтамасыз етiлген едi. Жаңа көлiктердiң арқасында 100% жеткiземiз. Пандемия кезiнде жедел жәрдемнiң жұмысы аса маңызды. Денсаулық сақтау жүйесi iндеттiң екiншi толқынына дайын болу керек. Бiз жедел жәрдем бригадаларының санын 32-ден 50-ге дейiн көбейте аламыз», — дедi Құмар Ақсақалов.

Жалпы, соңғы 3 жылда денсаулық сақтау саласына 113 млрд.тг бөлiндi. Биыл 56 млрд. тг. бөлiндi, 2017 жылмен салыстырғанда 1,5 есеге көп. Медициналық ұйымдарға көлiк алуға соңғы 3 жылда 633 млн. тг. бөлiндi. 82 бiрлiк санитарлық көлiк алынды.