СҚО. Өңiрлiк штабтардың отырысы

2022 жылғы 12 мамырда ҚР Конституциясына толықтырулар мен өзгерiстер енгiзу бойынша референдум өткiзудi қолдау мақсатында Қазақстан Республикасы Кәсiподақтар федерациясы төрағасының орынбасарының Н. Өтешев жетекшiлiгiмен Солтүстiк Қазақстан, Шығыс Қазақстан, Батыс Қазақстан, Семей және Шымкент қалаларының үйлестiру кеңесiнiң және өңiрлiк штабтарының онлайн-отырысы өттi.

Үйлестiру кеңесiнiң жұмысына БАҚ өкiлдерi қатысты. Отырысты ашқан Н.Өтешев кәсiподақтар қызметкерлердiң iрi бiрлестiгi ретiнде еңбек адамының заңды құқықтары мен мүдделерiн қорғай отырып, қоғамдағы әлеуметтiк әдiлеттiлiктiң дамуына үлес қосатынын атап өттi. Негiзгi заңға ұсынылатын өзгерiстер мен толықтырулар әрбiр азаматтың негiзгi құқықтары мен кепiлдiктерiн, қоғамдағы тұрақтылық пен бiрлiктi қорғауға бағытталған.

СҚО Кәсiподақ орталығының төрағасы Е.Нұрақаев өз сөзiнде Үйлестiру кеңесiнiң қатысушыларына облыстық кәсiподақтар мүшелерiн референдум жөнiндегi нормативтiк-құқықтық актiлермен, ҚРКФ кәсiподақ мүшелерiне үндеуiмен таныстыру бойынша жұмыс басталғанын хабарлады. Конституцияға ұсынылып отырған өзгерiстер мен толықтырулар өзара байланысты және олар бiр мақсатқа — жаңа Қазақстанды қалыптастыру үшiн құқықтық база құруға бағынады.

Отырыста конституциялық реформаларды түсiндiру мәселелерi бойынша референдумды қоғамдық қолдау штабы, Қазақстан Республикасының Конституциясына өзгерiстер мен толықтыруларды түсiндiру жөнiндегi iс-шаралар жоспары бекiтiлдi.

Кәсiподақ орталығы жанынан кәсiподақ мүшелерi үшiн конституциялық реформа және референдумда дауыс беруге қатысу мәселелерi бойынша жедел желi ашылды. Барлық туындаған сұрақтар бойынша мына телефондарға хабарласуға болады: 8(7152)46-08-53, 46-48-49.