Облыс бюджетінің атқарылуы (2021 жылғы)

Мемлекет Басшысының Қазақстан халқына «Жаңа жағдайдағы Қазақстан: іс-қимыл кезеңі» атты 2020 жылғы 1 қыркүйектегі Жолдауында атап өтілгендей: Алдымызда ауқымды әрі күрделі міндеттер тұр. Соларды табысты жүзеге асы­ру үшін тың тәсіл, жаңаша ойлау, жал­пы­ұлттық ынтымақ және өзара қолдау қажет. Оның жемісті жүзеге асуы әрқайсымызға байланысты. Замана сынағы бізден үздіксіз қозғалысты, мықты күш-жігерді және табанды еңбекті талап етіп отыр. Бізге мемлекеттің болашағы үшін зор жауапкершілік жүктеліп отыр. Бірлігіміз бен ынтымағымыз мығым болса, барлық қиындықты жеңіп, мақсатымызға жетеміз. Ел бюджеті екі негізгі мақсатқа – экономиканы дамыту мен әлеуметтік проблемаларды шешуге бағытталуы тиіс. Қазіргі «5-10-25», «Нұрлы жол», «Нұрлы жер» және басқа да мемлекеттік бағдарламалардың басты мақсаты – халқымыздың тұрмыс сапасын жақсарту.».

Қазақстанның әлемдегі ең дамыған 30 елдің қатарына кіру тұжырымдамасында алдағы жұмыстың ұзақмерзімді басымдықтары белгіленген. Экономиканы нығайту, басым бағыттар бойынша бірқатар мәселелерді шешу қажет.

Салық салынатын базаның өсуі, түсімдер жоспарының уақытылы және сапалы орындалуы экономиканы нығайтудың ажырамас бөлігі болып табылады.

1. Кіріс көздерінің барлық түрлері бойынша облыс бюджеті 2021 жылғы жоспарындағы 361 046,4 млн. теңгеден 102,7%-ға атқарылды немесе 370 929,9 млн. теңге түсті. Оның ішінде:

Меншікті кіріс бойынша жоспар 70 998,5 млн. теңге сомасында немесе 107,0% атқарылды (жоспар – 66 332,7 млн. теңге).

Мемлекеттік кірістер департаменті есепке алатын салықтық түсімдер бойынша нақтыланған жоспар 57 137,9 млн. теңгені құрайды, оның ішінде облыстық бюджет жоспары 29 438,9 млн. теңге, аудандар мен Петропавл қ. – 27 699,0 млн. теңге. Нақты есепті кезеңде облыс бюджетіне нақтыланған жоспардан 62 295,4 млн. теңге немесе 109,0%, оның ішінде облыстық бюджетке 32 727,4 млн. теңге немесе 111,2%, аудандық бюджеттер мен Петропавл қаласының бюджетіне 29 568,0 млн. теңге немесе 106,7% түсті.

Республикалық бюджеттен берілетін трансферттер 278 066,0 млн. теңгесомасында немесе 100,0% түсті.

2. Шығыстар бойынша облыс бюджеті 2021 жылғы 98,1% атқарылды, жоспардағы 370 174,5 млн. теңгеден шығыстар 363 270,6 млн. теңге сомасына жүргізілді. Шығыстар 6 903,9,0 млн. теңге сомасында игерілмеді.

Білім саласы бойынша шығыстар 2021 жылғы 102 448,0 млн. теңгені құрады (1-кестеге сәйкес) немесе жоспардан 99,3% (жоспар –103 215,5 млн. теңге).

Білім объектілерін салуға және реконструкциялауға жоспардағы жоспар 3 587,9 млн. теңге, игерілгені – 3 041,6 млн. теңге немесе 84,8% .

Күрделі жөндеуге 3 825,1 млн. теңге бағытталды, игерілу 3 620,6 млн. теңгені немесе 94,7% құрады.

Материалдық-техникалық базаны нығайтуға 3 669,8 млн. теңге бағытталды, жоспардан игеру 99,8 пайызды құрады (жоспар 3 678,4 млн. теңге).

1-кесте

Денсаулық сақтау бойынша 2021 жылғы шығыстар 10 577 млн. теңгені құрады (2-кестеге сәйкес) немесе 99,8% (жоспар 10 599,8 млн. теңге).

Денсаулық объектілерін салуға және реконструкциялауға жоспардағы жоспар 803,3 млн. теңге, игерілгені – 803,3 млн. теңге немесе 100%.

Күрделі жөндеуге 330,8 млн. теңге бағытталды, игерілу 309,3 млн. теңгені немесе 93,5% құрады. Игерілмеу сомасы 21,5 млн. теңге – «Ауыл — Ел бесігі» жобасы аясында 3 объект бойынша күрделі жөндеу жүргізуге мемлекеттік сатып алу қорытындылары бойынша үнемдеу есебінен.

Материалдық-техникалық базаны нығайтуға 3 423,1 млн. теңге бағытталды, жоспардан игеру 100 пайызды құрады (жоспар 3 423,1 млн. теңге).

2-кесте

Халықты әлеуметтік қорғау бойынша шығыстар 13 178,7 млн. теңгені немесе жоспардың 99,9% құрады (жоспар 13 189,3 млн. теңге).

Материалдық-техникалық базаны нығайтуға 123,7 млн. теңге бағытталды, жоспардан игеру 100 пайызды құрады.

3-кесте

Мәдениет, архивтер және құжаттамалар бойынша шығыстар жоспардағы 7 427,8 млн. теңгеден 7 324,6 млн. теңгені немесе 98,6% құрады (4-кестеге сәйкес).

Материалдық-техникалық базаны нығайтуға 219,4 млн. теңге немесе жоспардың 100,0% бағытталды (жоспар 219,4 млн. теңге).

4-кесте

Спорт бойынша жоспардағы 9 452,1 млн. теңгеден 8 996,5 млн. теңге немесе 95,2% игерілді (5-кестеге сәйкес).

Материалдық-техникалық базаны нығайтуға 107,3 млн. теңге сомасында қаражат бағытталды (жоспар 107,5 млн. теңге немесе 99,8%).

5-кесте

Жаңа тұрғын үй саясатын іске асыру мақсатында коммуналдық және ипотекалық тұрғын үй құрылысын қаржыландыру жүргізілді. 2021 жылғы тұрғын үй салуға шығыстар 21 942,6 млн. теңгені құрады (жоспар 25 264,1 млн. теңге немесе 86,9%), оның ішінде Ұлттық қордан берілетін нысаналы трансферттер есебінен 9 447,8 млн. теңге тұрғын үй салуға бағытталды.

Сумен жабдықтау және су бұру объектілерін салу және реконструкциялау бойынша 2022 ж. 01.01 жоспардағы 5 446,3 млн. теңгеден 5 031,6 млн. теңге немесе 92,4% игерілді.

Облыстың автомобиль жолдары желісін дамытуға 2021 жылғы жоспардағы 24 074,4 млн. теңгеден игерілу 23 964,1 млн. теңге немесе 99,5% игерілді.

Мемлекеттік бағдарламаларды іске асыру

Мемлекеттік бағдарламалар Қазақстан Республикасының даму стратегиясын іске асырудың негізгі нысаны болып табылады.

Облыста өзекті әлеуметтік-экономикалық міндеттерді шешуге бағытталған 11-ге жуық мемлекеттік және салалық бағдарламалар іске асырылады.

2021 жылы мемлекеттік бағдарламаларды іске асыруға 139,3 млрд. теңге көзделді, оның ішінде республикалық бюджеттен – 109,7 млрд. теңге, жергілікті бюджеттен – 29,6 млрд. теңге. Оның ішінде:

1. Қазақстан Республикасының агроөнеркәсіптік кешенін дамытудың 2017-2021 жылдарға арналған бағдарламасы. 2021 жылға 24 млрд. 881,9 млн. теңге көзделген.

Агроөнеркәсіптік кешен елдің азық-түлік қауіпсіздігін қалыптастыру арқылы елдің ұлттық қауіпсіздігін қамтамасыз етуге қатысатын экономиканың маңызды секторларының бірі болып табылады.

Бағдарламаны іске асыру аясында 2021 жылы 24 млрд. 876,6 млн. теңге бағытталды.

Аталған бағдарлама АӨК-дегі еңбек өнімділігін және қайта өңделген ауыл шаруашылығы өнімінің экспортын ұлғайтуға бағытталған.

2. «Ауыл – Ел бесігі» жобасы аясында ауылдық елді мекендерде әлеуметтік және инженерлік инфрақұрылымды дамытуға 2021 жылға 10 млрд. 581,2 млн. теңге, оның ішінде РБ есебінен – 9 млрд. 690,2 млн. теңге, ЖБ – 891,0 млн. теңге көзделді, атқарылғаны – 9 млрд. 487,7 млн. теңге, оның ішінде РБ есебінен – 8 млрд. 613,2 млн. теңге, ЖБ есебінен –874,5 млн. теңге.

«Ауыл – Ел бесігі» жобасының негізгі мақсаты – ауылдағы өмір сүру сапасын жақсарту, ауылдық аумақтардың инфрақұрылымын жаңғырту, оларды Өңірлік стандарттар жүйесінің параметрлеріне жеткізу.

3. «Бизнестің жол картасы-2025» бағдарламасы шеңберінде 2021 жылы 6 млрд. 304,8 млн. теңге көзделді, оның ішінде РБ есебінен – 4 млрд. 573,6 млн. теңге, ЖБ – 1 млрд. 731,2 млн. теңге, атқарылғаны – 6 млрд. 127,3 млн. теңге, оның ішінде РБ есебінен – 4 млрд. 545,3 млн. теңге, ЖБ есебінен –1 млрд. 582,0 млн. теңге.

Аталған бағдарлама өңірлік кәсіпкерліктің тұрақты және теңгерімді өсуін, сондай-ақ бар жұмыс орындарын қолдауды және жаңа тұрақты жұмыс орындарын құруды қамтамасыз етеді.

4. Білім беруді және ғылымды дамытудың 2020-2025 жылдарға арналған бағдарламасы шеңберінде 2021 жылы 35 млрд. 962,9 млн. теңге көзделді, оның ішінде РБ есебінен 27 млрд. 095,5 млн. теңге, ЖБ есебінен – 8 млрд. 867,4 млн. теңге, атқарылғаны – 35 млрд. 954,2 млн. теңге, оның ішінде РБ есебінен – 27 млрд. 093,4 млн. теңге, ЖБ есебінен – 8 млрд. 860,8 млн. теңге.

Осы бағдарламаны іске асыру нәтижесінде білім мен ғылымның сапасы жақсарды, 3 ауысымдық оқыту жойылуда, 150 және одан да көп оқушы орнына арналған мектептерде дене шынықтырумен және спортпен айналысу үшін жағдайлар жасалуда, кабинеттер компьютерлік техникамен, тірек колледждер қазіргі заманғы жабдықтармен және бағдарламалармен қамтамасыз етілді.