Тұрақтандыру қоры
2023 жылғы 24 сәуірдегі жағдай бойынша тұрақтандыру қорында өнімнің жеткілікті көлемі бар.
Әлеуметтік маңызы бар азық-түлік тауарларына бағаның өсуін тежеу үшін 2022 жылы тұрақтандыру қорын қаржыландыру 3,6 есеге ұлғайтылды, оның ішінде «айналым схемасы» 2,8 млрд.теңгеге дейін жеткізілді.
Осыған байланысты өнімді сатып алу көлемі 12 мыңнан 15 мың тоннаға дейін ұлғайтылды.
«Солтүстік» ӘКК» АҚ шикізатты сатып алу және өнімді бөлшек сауда желісінде төмендетілген бағамен одан әрі өткізу үшін әлеуметтік маңызы бар азық-түлік тауарларын жергілікті өндірушілерге қарыз береді.
Сүт және ет өнімдері бойынша жергілікті ауыл шаруашылығы тауарын өндірушілерден олардың арасында қол қойылған меморандумдар мен ұзақ мерзімді шарттар шеңберінде бөлшек сауда желісіне тікелей жеткізу тетігі белсенді қолданылады.
Тұрақтандыру қорынан қарақұмық жармасы, күріш, күнбағыс майы, ұн, макарон өнімдері, қант, тұз, құс еті, көкөністердің тауарлық интервенциясы жүргізіледі.
Өңірде әлеуметтік маңызы бар азық-түлік тауарларының 19 атауының 15-і өндіріледі.
Жергілікті әлеуметтік маңызы бар тауар өндірушілер өнімдерді делдалдарсыз тікелей сауда желілеріне жеткізеді.
Қабылданған шаралар бағаны орташа республикалық деңгейден төмен ұстауға мүмкіндік береді.