2021 жылғы 29 қыркүйекте Солтүстiк Қазақстан облысында аудандар әкiмдерi — аудандық үшжақты комиссиялар төрағаларының қатысуымен әлеуметтiк әрiптестiк және әлеуметтiк және еңбек қатынастарын реттеу жөнiндегi үшжақты комиссияның отырысы өттi.
Жұмыс барысында өңiрдегi еңбек қатынастарының жай-күйi туралы (еңбек жанжалдарының алдын алу шаралары, жалақы және мiндеттi әлеуметтiк аударымдарды төлеу бойынша берешек, еңбек қауiпсiздiгi және еңбектi қорғау); еңбек шарттарының электрондық форматқа толық көшуi туралы мәселелер қаралды.
Отырыста сондай-ақ кәсiподақ тарапы бастамашылық еткен ауыл шаруашылығы ұйымдарындағы әлеуметтiк әрiптестiк жөнiндегi облыстық Салалық келiсiмдi iске асыру туралы мәселе қаралды.
Әлеуметтiк серiктестер — СҚО әкiмдiгiнiң ауыл шаруашылығы және жер қатынастары басқармасының және "СҚО ауыл шаруашылығы қызметкерлерiнiң жергiлiктi кәсiподағы" ҚБ өкiлдерi комиссия мүшелерiн өзара мiндеттемелердiң орындалуы туралы, оның iшiнде сала қызметкерлерiнiң еңбекақысын арттыру бойынша қабылданып жатқан шаралар туралы хабардар еттi.
Облыстық үшжақты комиссия төрағасы, отырыс қорытындысы бойынша, аудан әкiмдерiне құқық қорғау органдарымен және жұмыс берушiлермен бiрлесiп, жалақыны, әлеуметтiк аударымдар мен мiндеттi зейнетақы жарналарының уақытылы төленуiне тұрақты негiзде мониторинг жүргiзудi тапсырды. Берешекке жол берген басшылардың есептерiн комиссияларда тыңдау.