2021 жылғы 6 тамызда Солтүстiк Қазақстан облысында Қазақстан Республикасы Президентi мен Үкiметiнiң тапсырмасына сәйкес жаңартылған жұмыс форматында аудан әкiмдерi — аудандық үшжақты комиссия төрағаларының қатысуымен әлеуметтiк әрiптестiк пен әлеуметтiк және еңбек қатынастарын реттеу жөнiндегi үшжақты комиссияның отырысы өттi. Отырысты Солтүстiк Қазақстан облысы әкiмiнiң м.а. А.Сакипкереев жүргiздi.
Мемлекеттiк еңбек инспекциясының басшысы М.Омаров өңiрдегi еңбек қатынастарының жай-күйi, жалақы бойынша берешек, еңбек қауiпсiздiгi және еңбектi қорғау, өндiрiстiк жарақат туралы хабарлады. Облыс кәсiпорындары бойынша жағдайдың мониторингiмен таныстырды.
А.ж. наурыз-сәуiр айларындағы "ПАМЗ" АҚ-дағы жалақы бойынша берешектi жою мәселесi бойынша бұрын қабылданған шешiмдердi бақылау шеңберiнде Бас директор А.Оразханов тыңдалды, ол а.ж. 12 тамызына дейiн берешектi жою және төлеу бойынша қабылданып жатқан шаралар туралы баяндады.
СҚО Кәсiподақ орталығының төрағасы Е.Нұрақаев жұмысшылардың еңбек құқықтарын қорғау бойынша кәсiподақтардың қабылдаған шаралары туралы айтып, пандемия жағдайындағы кәсiподақтардың жұмысымен, осы кезеңдегi еңбек қатынастарын реттеудiң ерекшелiктерiмен егжей-тегжейлi таныстырды. Жалақы теңсiздiгi мәселесiн шешудiң өзектiлiгiне, жұмысшылардың көпшiлiгiнiң жалақысының төмен деңгейiне тоқталды, бұл оны төлеудiң кешiгуiмен күрделене түседi. КВИ нәтижесiнде шиеленiскен экономикалық жағдайдың салдарынан бағаның өсуiн және қызметтер құнының өсуiн ескере отырып, ағымдағы жылдың 1 қыркүйегiнен бастап экономиканың нақты секторындағы жұмыс берушiлерге барлық қызметкерлердiң жалақысын индекстеу және экономиканың нақты секторындағы төмен жалақы алатын қызметкерлердiң жалақысын көтеру туралы ұсыныс енгiздi.
"СҚО бойынша Мемлекеттiк әлеуметтiк сақтандыру қоры" АҚ филиалының басшысы А.Жүнiсова мiндеттi әлеуметтiк аударымдарды уақтылы төлеу туралы хабардар еттi. Ақжар, Тайынша, Ғ.Мүсiрепов аудандарындағы жағдай туралы аудан әкiмдерi баяндады.
Облыстық үшжақты комиссияның төрағасы еңбек ұжымдарында тұрақты қарым-қатынасты қамтамасыз етудегi кәсiподақтардың рөлiн атап өттi, аудан әкiмдерiне халықты вакцинациялау және қауiпсiз еңбек жағдайларын қамтамасыз ету бойынша жұмысты жандандыруды, өндiрiстi дамыту бойынша кешендi шаралар қабылдауды, қызметкерлерге жалақы төлеудi және барлық мiндеттi аударымдарды уақтылы төлеудi тапсырды.