Ветеринарияның негізгі міндеттері халықтың денсаулығын адамдар мен жануарларға ортақ аурулардан қорғау, жануарларды аурулардан қорғау және оларды емдеу, ветеринариялық-санитариялық қауіпсіздікті қамтамасыз ету, ауыл шаруашылығы жануарларын бірдейлендіруді жүргізу, ветеринария саласында мемлекеттік қызметтер көрсету болып табылады.
2025 жылдың 11 айындағы статистика:
Вакциналау еселігін есепке алғанда, 5,4 млн. бас ауыл шаруашылығы жануарларына (сібір жарасы, нодулярлы дерматит, қарасан, аусыл және басқалары) вакцина егілді, 1 млн. 296 мың бас зерттелді, оның ішінде 885 мың диагностикалық зерттеу (бруцеллез), 410 мың аллергиялық зерттеу (туберкулез және маңқа) жүргізілді.
Облыстық ветеринариялық зертхананың мәліметінше, ағымдағы жылы ірі қара малдың бруцеллезі бойынша 275 бас анықталған.
Бруцеллез бойынша үш қолайсыз пункт тіркелген:
— Есіл ауданы, Бірлік ауылы;
— Айыртау ауданы, Сырымбет ауылы;
— Аққайың ауданы, Ленин ауылы.
Бүгінгі күні аталған тармақтар бойынша барлық шектеулер белгіленген тәртіппен алынып тасталды.