Солтүстік Қазақстан облысы әкімінің 2024 жылғы 24 желтоқсандағы № 175-ө өкімімен бекітілген 2025 жылға арналған Солтүстік Қазақстан облысы әкімі аппараты мемлекеттік аудит объектілерінің тізбесіне сәйкес Солтүстік Қазақстан облысы әкімі аппаратының ішкі аудит қызметі «Солтүстік Қазақстан облысы әкімдігінің білім басқармасы» коммуналдық мемлекеттік мекемесінің «Шал ақын ауданының білім бөлімі» коммуналдық мемлекеттік мекемесі «Бөбек» бөбекжай-бақшасы»мемлекеттік коммуналдық қазыналық кәсіпорнына (бұдан әрі – Кәсіпорын) 2022 жылғы 01 қаңтардан бастап 2024 жылғы 31 желтоқсанды қоса алғандағы кезеңге сәйкестік аудитін жүргізді.
Жүргізілген мемлекеттік аудит барысында «Солтүстік Қазақстан облысы әкімдігінің білім басқармасы» КММ «Шал ақын ауданының білім бөлімі» коммуналдық мемлекеттік мекемесі Кәсіпорынмен 2022 жылдан 2024 жылғы дейінгі кезеңге балалардың санын көрсетпей, мектеп жасына дейінгі балаларды тәрбиелеу және оқыту бойынша қызметтер көрсетуге шарт жасасқаны анықталды.
Сондай-ақ, жүргізілген мемлекеттік аудит барысында Кәсіпорын Қазақстан Республикасы заңнамасының нормалары бойынша азаматтық қызметшілерге еңбекақы төлеу тәртібін айқындайтын бұзушылықтарға жол бергені; Өнім жеткізушілерді мемлекеттік сатып алуға жосықсыз қатысушы деп тану туралы сотқа талап арызбен жүгінбегені; тұрақсыздық айыбын өндіріп алу жөнінде шаралар қабылданбағаны; 434-V заңын бұза отырып мемлекеттік сатып алуды жүзеге асырғаны анықталды.
Кәсіпорын тарапынан жіберілген бұзушылықтар Кәсіпорын басшылығы тарапынан тиісті бақылаудың болмауының, Кәсіпорынның қаржы қызметкерлерінің Қазақстан Республикасының қолданыстағы заңнамасын жеткіліксіз білуінің, сондай-ақ ішкі бақылаудың тиісті жүйесі болмауының салдары болды.
«Әкімшілік құқық бұзушылық туралы» 2014 жылғы 5 шілдедегі № 235-V ҚРЗ Қазақстан Республикасы Кодексінің 207-бабында көзделген мемлекеттік аудит объектісі лауазымды адамдарының іс-әрекеттерінде әкімшілік құқық бұзушылықтардың анықталған белгілері фактісі бойынша тиісті аудиторлық дәлелдемелері бар материалдар әкімшілік құқық бұзушылық туралы істерді қарау үшін уәкілетті органға - Солтүстік Қазақстан облысы бойынша Ішкі мемлекеттік аудит департаментіне берілді.
Солтүстік Қазақстан облысы әкімі аппаратының ішкі аудит қызметінің басшысы – мемлекеттік аудитор М.К. Есмағамбетов