ҮЕҰ мен мемлекеттік органдардың өзара іс-қимылы туралы
Облыстың үкіметтік емес ұйымдары өз бастамаларын ашық және еркін ілгерілетуге қабілетті азаматтық қоғамның маңызды институты болып табылады. Қысқа мерзім ішінде мемлекет пен үкіметтік емес сектордың берік әріптестік қатынастарының негізі қаланды.
Солтүстік Қазақстан облысындағы мемлекеттік әлеуметтік тапсырыстың тақырыбы өңірдің өзекті мәселелеріне, сондай-ақ өңірдің үкіметтік емес ұйымдарының ұсыныстарын жинау жолымен анықталады.
Ағымдағы жылы мемлекеттік әлеуметтік тапсырыс аясында 279 млн.теңге сомасына 121 жоба жоспарланған.
Жергілікті атқарушы органдардың коммерциялық емес ұйымдармен өзара іс-қимылы шеңберінде үкіметтік емес ұйымдармен ынтымақтастық және өзара іс-қимыл жөніндегі Кеңес жұмыс істейді. Консультативтік-кеңесші органның құрамына мемлекеттік органдардың басшылары кіреді және 50% ҮЕҰ өкілдері құрайды. Отырыс жарты жылда 1 рет өткізіледі.
Ішкі саясат басқармасы азаматтық сектормен өзара іс-қимыл бойынша кешенді жұмыс жүргізуде.
Облыста барлығы 432 ҮЕҰ тіркелген, оның ішінде 136 — облыс аудандарында.
Өзара іс-қимылдың салалық қағидатын ескере отырып, мемлекеттік органдар ҮЕҰ-ға қажетті ұйымдастырушылық-техникалық, құқықтық, сондай-ақ консультативтік-әдістемелік көмекті жан-жақты көрсетеді.
Облыстың ҮЕҰ Халықты әлеуметтік кепілдіктермен қамтамасыз ету, адам құқықтарын қамтамасыз ету, экологиялық жағдайды жақсарту, кедейшілікті, халық арасындағы жұмыссыздықты азайту және тағы басқалар бойынша қызметті жүзеге асырады.
Өңірде белсенді үкіметтік емес ұйымдар мемлекеттік әлеуметтік тапсырыс шеңберінде және одан тыс жерлерде, instagram, facebook, vk әлеуметтік желілерде белсенді түрде жариялап отыратын түрлі форматтағы іс-шаралар, семинарлар, қайырымдылық кештерін тұрақты негізде өткізіп тұрады.
Мемлекеттік органдар мен ҮЕҰ-ның өзара іс-қимылын талдау облыстың үкіметтік емес ұйымдары мемлекетте жүргізіліп жатқан реформаларды толық көлемде қолдайтынын, өзекті мәселелер мен міндеттерді шешуге белсенді қатысатынын, мемлекеттік органдармен диалог жүргізуге дайын екенін көрсетеді.