Солтүстік Қазақстан облысы әкімінің тапсырмасына сәйкес (Солтүстік Қазақстан облысы жұмыс кеңесі 2023.05.07 хаттамасының 4-тармағы) Солтүстік Қазақстан облысы әкімі аппаратының ішкі аудит қызметі «Солтүстік Қазақстан облысы әкімдігінің денсаулық сақтау басқармасы» коммуналдық мемлекеттік мекемесінің «№1 қалалық емхана» ШЖҚ КМК (бұдан әрі - Кәсіпорын) 2021 жылғы 1 қазаннан 2023 жылғы 30 маусымға дейінгі кезеңге тиімділік және сәйкестік аудитін жүргізді.
Аудиторлық іс-шара барысында мынадай бұзушылықтар анықталды: еңбекақы төлеу бойынша бұзушылықтарға жол берілген; аясы тар мамандықтағы дәрігерлердің нақты жұмыс істеген жұмыс уақытын дұрыс есепке алмаған; жалға алынған пәтерлерде нақты тұрмаған қызметкерлердің тұрғын үйді жалға алуына өтемақы төленген; тиісті куәліксіз (нострификациясыз) шетелдік жоғары оқу орындары берген жоғары білім туралы дипломдар, қызметкерлерге біліктіліктің жоғары деңгейін бере отырып, жоғары білімі бар адам ретінде танылған; даму жоспарларын әзірлеу, бекіту қағидалары бұзылған; іссапарлар туралы есептерді уақытылы ұсынбаған; тұрақсыздық айыбын өндіріп алу бойынша шаралар қабылданбаған; автокөлік құралдарының ақаулы жай-күйін растайтын тексеру актілері жоқ; мемлекеттік сатып алуды жүзеге асыру кезіндегі бұзушылықтар. «Әкімшілік құқық бұзушылық туралы» 2014 жылғы 05 шілдедегі № 235-V ҚРЗ Қазақстан Республикасы Кодексінің 207-бабында көзделген мемлекеттік аудит объектісі лауазымды адамдарының іс-әрекеттерінде әкімшілік құқық бұзушылықтар белгілері бар анықталған фактілер бойынша тиісті аудиторлық дәлелдемелері бар материалдар әкімшілік құқық бұзушылық туралы істерді қарау үшін уәкілетті органға - Солтүстік Қазақстан облысы бойынша Ішкі мемлекеттік аудит департаментіне берілді.