2022 жылға арналған бюджеттік жоспарлау

2022 жылға арналған Солтүстік Қазақстан облысының бюджеті

Алдағы үш жылдық кезеңге бюджеттік саясаттың негізі Мемлекет басшысының Қазақстан халқына Жолдауында белгіленген аса маңызды бағыттар болып табылады.

2022-2024 жылдарға арналған облыс бюджеті Қазақстан Республикасының Бюджет кодексіне, «2020-2022 жылдарға арналған жалпы сипаттағы трансферттер көлемі туралы», «2022-2024 жылдарға арналған республикалық бюджет туралы» Қазақстан Республикасының Заңдарына, 2020-2024 жылдарға арналған әлеуметтік-экономикалық даму болжамына сәйкес әзірленіп, бекітілді.

«2022-2024 жылдарға арналған Солтүстік Қазақстан облысының облыстық бюджеті жобасы туралы» облыс әкімдігінің 2021 жылғы 28 қыркүйектегі № 206 қаулысы және Солтүстік Қазақстан облыстық мәслихатының 2021 жылғы10 желтоқсандағы № 12/1 шешімінің негізінде 2022-2024 жылдарға арналған облыстық бюджет бекітілді.

«2017-2019 жылдарға арналған облыстық бюджет, аудандар мен Петропавл қаласының бюджеттері арасындағы жалпы сипаттағы трансферттердің көлемі туралы» облыстық мәслихат шешімінің күші жойылуына байланысты, ҚР Бюджет кодексінің 45-бабына сәйкес «2020-2022 жылдарға арналған облыстық бюджет, аудандар мен  Петропавл қаласының бюджеттері арасындағы жалпы сипаттағы трансферттердің көлемі туралы» облыстық мәслихаттың 2019 жылғы 11 желтоқсандағы № 39/2 шешімімен 2020-2022 жылдарға арналған жалпы сипаттағы трансферттер бекітілді.

Кірістер және шығыстар бойынша 2022 жылға арналған облыс бюджеті 329 896 млн. теңге көлемінде бекітілді, оның ішінде облыстық бюджет – 23 725 млн. теңгеге өсуімен 249 184 млн. теңге.

2022 жылы бюджетке 7 нақтылау және 17 түзету жүргізілді.

Нақтылауға мына көздер негіз болып табылды:

қаржы жылына қалыптасқан бюджет қаражатының бос қалдықтары –                            18 574 млн.теңге;

қосымша кірістер – 18 410 млн.теңге;

республикалық бюджеттен берілетін нысаналы трансферттер – 41 403 млн. теңге,

Қазақстан Республикасының Ұлттық қорынан берілетін нысаналы трансферттер  80 млн. теңге сомасына азайтылды,

Қазақстан Республикасының Ұлттық қорынан берілетін кепілдендірілген трансферттер – 24 617 млн. теңге,

Қазақстан Республикасы Үкіметінің резервінен – 1 187 млн. теңге,

республикалық бюджеттен берілетін бюджеттік кредиттер – 2 322 млн. теңге,

бюджеттік кредиттерді өтеу – 942 млн. теңге,

ішкі қарыздар 7 267 млн. теңге сомасына азайтылды.

Нақтылаулар мен түзетулерді ескере отырып, облыс бюджетіне түсетін түсімдер бойынша нақтыланған жоспар мынаны құрады:

меншікті кірістер – 85 720 млн. теңге,

республикалық бюджеттен:

субвенциялар – 141 829 млн. теңге,

республикалық бюджеттен берілетін нысаналы трансферттер – 130 838 млн. теңге,

Қазақстан Республикасының Ұлттық қорынан берілетін нысаналы трансферттер – 16 644 млн. теңге,

Қазақстан Республикасының Ұлттық қорынан берілетін кепілдендірілген трансферттер – 24 617 млн. теңге,

Қазақстан Республикасы Үкіметінің резервінен – 1 187 млн. теңге,

республикалық бюджеттен берілетін бюджеттік кредиттер – 4 797 млн. теңге,

бюджеттік кредиттерді өтеу – 2 065 млн. теңге,

ішкі қарыздар – 3 733 млн. теңге.

2022 жылы инвестициялық жобаларға 84 559 млн. теңге, оның ішінде республикалық бюджеттен нысаналы трансферттер – 37 183 млн. теңге, Қазақстан Республикасының Ұлттық қорынан берілетін нысаналы трансферттер –                           14 090 млн. теңге, Қазақстан Республикасының Ұлттық қорынан берілетін кепілдендірілген трансферт есебінен – 2 225 млн. теңге, ішкі қарыздар –                          3 733 млн. теңге, жергілікті бюджеттен – 27 328 млн. теңге бағытталды. Білім, мәдениет, спорт, сумен жабдықтау, тұрғын үй құрылысы және көлік инфрақұрылымын дамыту салалары басым бағыттар болып айқындалды.

«Ауыл – ел бесігі» жобасы аясында әлеуметтік және инженерлік инфрақұрылымды салу, реконструкциялау және жөндеу жөніндегі іс-шараларды іске асыруға 2022 жылы 6 993 млн. теңге бөлінді, оның ішінде:

Қазақстан Республикасының Ұлттық қорынан берілетін нысаналы трансферттер есебінен – 3 408 млн. теңге, оның ішінде мына салалар бойынша:

білім беру – 1 072 млн. теңге;

денсаулық сақтау – 130 млн. теңге;

мәдениет – 994 млн. теңге;

спорт – 146 млн. теңге;

жолдар – 479 млн. теңге;

жылумен жабдықтау – 562 млн. теңге;

электрмен жабдықтау – 75 млн. теңге;

Қазақстан Республикасының Ұлттық қорынан берілетін кепілдендірілген трансферт есебінен – 2 114 млн. теңге, оның ішінде мына салалар бойынша:

білім беру – 659 млн. теңге;

жолдар – 1 455 млн. теңге;

жергілікті бюджет есебінен – 1 471 млн. теңге, оның ішінде мына салалар бойынша:

білім беру – 147 млн. теңге;

денсаулық сақтау – 14 млн. теңге;

мәдениет – 68 млн. теңге;

спорт – 632 млн. теңге;

жолдар – 454 млн. теңге;

сумен жабдықтау – 3 млн. теңге;

жылумен жабдықтау – 150 млн. теңге;

электрмен жабдықтау – 3 млн. теңге.

Мына салалар бөлінісінде 2022 жылға нақтыланған облыс бюджеті 430 004 млн. теңгені құрайды:

  • білім беру – 126 316 млн. теңге, 2021 жыл бюджетіне 23 пайызға өсумен;
  • денсаулық сақтау – 11 597 млн. теңге, 2021 жыл бюджетіне 58,1 пайызға өсумен;
  • әлеуметтік қорғау – 13 936 млн. теңге, 2021 жылғы бюджетке 13,4 пайызға өсумен;
  • мәдениет – 10 959 млн. теңге, 2021 жылғы бюджетке 1,6 есе өсумен;
  • спорт – 11 075 млн. теңге, 2021 жылғы бюджетке 20,3 пайызға өсумен;
  • архивтер - 450 млн. теңге, 2021 жылғы бюджетке 19,4 пайызға өсумен;
  • БАҚ – 986 млн. теңге, 2021 жылғы бюджетке 18,5 пайызға өсумен;
  • тілдерді дамыту – 91 млн. теңге, 2021 жылғы бюджетке 31,9 пайызға өсумен;
  • дін – 10 млн. теңге, 2021 жылғы бюджетке 2,5 есе өсумен;
  • Қазақстан халқының Ассамблеясы – 84 млн. теңге, 2021 жылғы бюджетке 15,1 пайызға өсумен;
  • жастар саясаты – 208 млн. теңге, 2021 жылғы бюджетке 14,3 пайызға өсумен.

әлеуметтік-мәдени іс-шараларға барлығы – 175 712 млн. теңге немесе облыс бюджетінен 40,8 пайыз 

  • қорғаныс – 877 млн. теңге, 2021 жылғы бюджетке 32,1 пайызға өсумен;
  • құқық қорғау органдары – 8 741 млн. теңге, 2021 жылғы бюджетке 12,9 пайызға өсумен;
  • басқару органдары – 21 922 млн. теңге, 2021 жылғы бюджетке 13,4 пайызға өсумен;
  • ЖАО резерві – 512 млн. теңге;
  • нақты сектор – 192 842 млн. теңге.

оның ішінде:

  • ауыл шаруашылығы – 72 041 млн. теңге, 2021 жылғы бюджетке 33,7 пайызға өсумен;
  • сумен жабдықтау – 14 851 млн. теңге, 2021 жылғы бюджетке 10,8 пайызға өсумен;
  • жолдар – 25 540 млн. теңге;
  • тұрғын үй салу және сатып алу – 17 782 млн. теңге;
  • инженерлік-коммуникациялық желілер – 6 591 млн. теңге;
  • эпизоотияға қарсы іс-шаралар өткізу – 1 231 млн. теңге, 2021 жылғы бюджетке 11,5 пайызға өсумен;
  • ТКШ және елді мекендерді абаттандыру – 10 059 млн. теңге;
  • ауылдағы әлеуметтік сала мамандарын қолдау – 1 501 млн. теңге, 2021 жылғы бюджетке 15 пайызға өсумен;
  • кәсіпкерлікті дамыту – 2 415 млн. теңге;
  • «Өңірлерді дамыту» бағдарламасы – 231 млн. теңге;
  • туристік қызмет – 69 млн. теңге;
  • кондоминимум объектілерін күрделі жөндеу – 1 083 млн. теңге, 2021 жылғы бюджетке 6 пайызға өсумен;
  • басқалар (орман шаруашылығы мекемесін ұстау, жарғылық капитал және т.б.) – 39 478 млн. теңге.
2022 жылға арналған Солтүстік Қазақстан облысының бюджеті
Дата публикации
17 января 2023