Қора-жайларды дезинфекциялау

Қора-жайларды дезинфекциялау – бұл жұқпалы және жұқпалы емес аурулардың қоздырғыштарын жою бойынша шаралар кешені. Аурудың алдын алу мақсатында, сондай-ақ мал ауруларының ошақтары пайда болған жағдайда жүргізіледі.         

Дезинфекцияның негізгі міндеті – инфекцияның жануарлар мен адамдарға таралу жолдарын тоқтату.

Дезинфекцияның кең таралған әдістерінің бірі – химиялық дезинфекция. Ол үшін әртүрлі дезинфекциялық құралдар қолданылады, құралды дезинфекциялау мақсаттары мен талаптарына сәйкес дұрыс таңдау маңызды.

Химиялық дезинфекциядан бөлек, микроағзаларды жою үшін жоғары температура, бу немесе ыстық су қолданылатын термиялық дезинфекция арқылы тиімділікті арттыруға болады.

Сонымен қатар механикалық дезинфекция мал қораларын тазарту және таза ұстау үшін қажет. Бұған кір мен шаңды жуу, қыру және физикалық түрде тазартудың басқа да әдістері кіреді.

Биыл аудандардың ветеринариялық станциялары жалпы ауданы шамамен 164 мың шаршы метр 64 қора-жайда дезинфекция жүргізді. Жұмыс «УАЗ» автомашинасы негізіндегі дезинфекциялық қондырғының көмегімен жүргізіледі. Дезинфекциялау үшін «Глюзамин Вет», «Форбицид», «ГАН» және басқалары сияқты препараттар қолданылады.

Қора-жайларды дезинфекциялау жануарлардың саулығы мен қауіпсіздігін қамтамасыз етуде, сондай-ақ инфекциялар мен аурулардың таралуын болдырмауда маңызды жұмыс болып табылады.