Үй жануарларының иелерiне иттер мен мысықтарды ұстау және серуендету қағидалары туралы еске салынды
Кез келген үй жануары — ойыншық емес, адамгершiлiкпен әрi жауапкершiлiкпен қарап, күтiмдi қажет ететiн тiршiлiк иесi екенi баршаға мәлiм. Сонымен қатар балалар мен ересектер дұрыс күтпеген және қарамаған жағдайда, жануарлар айналасындағыларға қауiп төндiруi мүмкiн екенiн бiлуi тиiс.
Үй жануарларын ұстаған жағдайда иелерi жануарларды ұстауға қойылатын жалпы талаптарды, сондай-ақ үй жануарлары ұсталатын көп пәтерлi үйлерде, үй-жайларда тұратын адамдардың құқықтары мен заңды мүдделерiн сақтауы қажет.
Үй жануарларын серуендеткенде, азаматтардың, жануарлардың қауiпсiздiгi, жеке және заңды тұлғалар мүлкiнiң сақталуы мiндеттi түрде қамтамасыз етiлуi тиiс.
Үй жануарын серуендеткенде, мынадай талаптарды сақтау қажет:
- автомобиль жолдарының жүру бөлiгiнен өткен кезде, көп пәтерлi үйлердегi көпшiлiк пайдаланатын лифтiде және үй-жайларда, үй аулаларында, балалар және спорт алаңдарында бақылаусыз бос жүргiзбеу;
- жалпыға ортақ орындар мен аумақтарды жануарлардан қалған қалдықтардан тазартуды қамтамасыз ету;
- иелерi кәсiпорындар мен мекемелердiң жанында байлаулы қалдырған жануарлардан басқа қоғамдық орындарда адамның қарауынсыз жүрген жануарлар қаңғыбас жануар болып саналады және оларды мамандандырылған ұйымдар мiндеттi түрде аулауы тиiс;
- халық көп жиналатын орындарда, қоғамдық көлiкте (автобустағы жинақтаушы алаңда) және басқа да қоғамдық орындарда иттердi қысқа тiзгiнде және тұмылдырықта ұстау. Иттердiң декоративтi түрлерi мен мысықтарды сөмкеде, арнайы торларда (тасымалдауға арналған контейнерде) тасымалдауға рұқсат етiледi.
Иттер мен мысықтарды ұстау және серуендету қағидаларымен мына сiлтеме арқылы таныса аласыздар:
https://www.gov.kz/memleket/entities/sko-veterinary/documents/details/adilet/V15S0003111?lang=kk
https://www.gov.kz/memleket/entities/ecogeo/documents/details/54444?lang=kk