«Сыбайлас жемқорлыққа қарсы заңнаманың новеллалары» тақырыбында онлайн семинар

2021 жылғы 27 қаңтарда Солтүстiк Қазақстан облысы әкiмдiгiнiң ветеринария басқармасында ветеринария басқармасы басшысының мiндетiн атқарушы Олжас Әлжанұлы Болыспаевтың төрағалығымен «Сыбайлас жемқорлыққа қарсы заңнама жаңалықтары» тақырыбында онлайн-семинар өткiзiлдi.

Осы семинарға «Қызылжар Адалдық Алаңы» жобалық кеңсесiнiң басшысы, Солтүстiк Қазақстан облысы әкiмiнiң кеңесшiсi Сәбитов Сәлiмхан Жанатұлы, Сыбайлас жемқорлыққа қарсы iс-қимыл агенттiгiнiң (Сыбайлас жемқорлыққа қарсы қызмет) Солтүстiк Қазақстан облысы бойынша департаментiнiң инспекторы Зайцева Светлана Николаевна, облыстық ветеринария басқармасының бөлiм басшылары мен мамандары, ветеринариялық станция директорлары қатысты.

Олжас Әлжанұлы iс-шараның басында облыстың ветеринария қызметiнiң сыбайлас жемқорлыққа қарсы заңнаманы сақтауға қатысты атқарған жұмысы туралы баяндады.

Iс-шара барысында «Қызылжар Адалдық Алаңы» жобалық кеңсесiнiң басшысы, Солтүстiк Қазақстан облысы әкiмiнiң кеңесшiсi Сәлiмхан Жанатұлы Сәбитовтiң «Қызылжар Адалдық Алаңы» жобалық кеңсесiнiң қызметi туралы ақпараты мен Сыбайлас жемқорлыққа қарсы iс-қимыл агенттiгiнiң Солтүстiк Қазақстан облысы бойынша департаментiнiң инспекторы Светлана Николаевна Зайцеваның сыбайлас жемқорлық құқық бұзушылықтардың алдын алу шаралары, мемлекеттiк қызмет және сыбайлас жемқорлыққа қарсы iс-қимыл мәселелерi жөнiндегi заңнамалық актiлердегi өзгерiстер мен толықтырулардың негiзгi бағыттары туралы ақпараты тыңдалды.

Ветеринария басқармасы басшысының мiндетiн атқарушы Олжас Әлжанұлы кеңестi қорытындылай отыра, ветеринария басқармасы сыбайлас жемқорлыққа қарсы iс-қимыл бойынша қолданып жатқан iс-шаралар оң нәтиже беретiндiгiн атап өттi. Бiрлескен күш-жiгер ветеринария саласындағы сыбайлас жемқорлыққа қарсы тұруға және оның алдын алуға көмектеседi.