БЕДЕЛДІ БАЙҚАУДЫҢ ЖОҒАРЫ МАРАПАТЫ

Астана қаласында Қазақстан Республикасы Мәдениет және спорт министрлігі Мәдениет комитетінің қолдауымен "Қазақ ұлттық өнер университеті" республикалық мемлекеттік мекемесінің базасында дарынды балаларға арналған мамандандырылған мектептердің оқушылары арасында "Astana – Мегеу" халықаралық орындаушылар байқауы өтті.

Біздің өңірдің өкілі-Қызылжар ауданының "Мерей" өнер мектебінің тәрбиеленушісі Серікпай Жансая 1 орын алды. Жансая - "Ақдарияға" халық әні және П.Чайковскийдің "Неополитан әнін" ең көне қазақ садақ аспабы-қобызда орындады.

Біз Жансаяны, сондай - ақ мектеп педагогтары – Маштакова Назгүл Жадыгерқызын, концертмейстер Дедова-Сальникова Мария Викторовнаны құттықтаймыз.

Осындай беделді байқауда жеңіске жету – шеберлік пен жарқын шығармашылық болашақтың көрсеткіші.