2025 жылғы 20-21 ақпанда Жоғары Солтүстік Қазақстан кәсіптік-педагогикалық колледжінде колледж директоры Сүйіндік Қазиқанұлы Бегалинді еске алуға арналған футзалдан XVII халықаралық турнир өтті.
Турнирдің мақсаты С. К. Бегалинді еске алу, Қазақстан Республикасы мен Ресей Федерациясының оқу орындары арасындағы достық байланыстарды нығайту, жастар арасында футболды насихаттау.
Турнирге СҚО және Ресей Федерациясы колледждерінің 9 құрама командасы қатысты. Турнирдің ашылуына Сүйіндік Қазиқанұлының туыстары, достары мен әріптестері қатысты.
Жеребе бойынша командалар үш кіші топқа бөлінді. Жарыстың бірінші күні финалға шығу құқығы үшін алдын ала ойындар өткізілді, екінші күні турнирдің бас жүлдесі – Чемпиондар кубогы үшін қыңыр ойын өтті. Нәтижесінде 1 орын мен Чемпиондар кубогын турнир иелері –ЖСҚ КПК студенттері, 2 орынды – Қорған өнеркәсіптік техникумының (РФ) командасы және 3 орынды – Щучинск қаласынан «SantekhMir» командасы жеңіп алды. Турнир жеңімпаздары тиісті дәрежелі дипломдармен, медальдармен және бағалы сыйлықтармен марапатталды.
Турнирді ұйымдастырушылары номинациялар бойынша жүлделер тағайындады. «Үздік қақпашы» – Тимофеев Илья (Қорған өнеркәсіптік техникумы), «Үздік шабуылшы» – Егоров Владислав («SantekhMir»), «Үздік қорғаушы» – Гамазин Роман (ЖСҚ КПК), «Үздік жаттықтырушы» – Ветошкин Денис Александрович (ЖСҚ КПК) деп танылды. Көрермендер көзайымы сыйлығын ЖСҚ КПК қақпашысы – Клишин Александр алды.
С. К. Бегалиннің отбасы номинациялар бойынша жеңімпаздарды ынталандыру үшін бағалы сыйлықтар берді.