2025 жылғы 21 қаңтарда Бәйкен Әшімов атындағы Петропавл машина жасау және көлік колледжінде «Колледжде білім беру процесін ұйымдастыру сапасын арттырудың шарты ретінде педагогтың кәсіби дамуы» тақырыбында облыстық әдістемелік семинар өтті. Семинарды өткізудің мақсаты педагогтардың кәсіби біліктілігін арттыру, олардың шығармашылық белсенділігін дамыту, білім беру процесіне заманауи педагогикалық технологияларды игеру және енгізу болды.
Семинар барысында білім беру бағдарламаларын өзектендіру және мониторингілеу, педагогикалық қызметте жасанды интеллектті пайдалану, білім беру саласындағы халықаралық ынтымақтастық сияқты өзекті мәселелерді талқылап, 2024-2025 жылдарға арналған бірінші жартыжылдықтағы педагогикалық ұжымдардың жұмысының қорытындысы шығарылды. Жұмысшы кәсіптерін дәріптеу мәселесі ерекше талқылау тудырды, бұл әсіресе Жұмысшы кәсіптері жылын өткізу аясында өзекті.
Семинар жұмысына «Солтүстік Қазақстан облысы әкімдігінің білім басқармасы» КММ ТжКБ бөлімінің мамандары, басшылардың оқу жұмысы, оқу-әдістемелік жұмыс жөніндегі орынбасарлары, әдіскерлер, оқытушылар және облыстың техникалық және кәсіптік білім беру ұйымдарының басқа да педагог қызметкерлері қатысты.