2024 жылдың 3 қыркүйегінде Жоғары Солтүстік Қазақстан кәсіптік-педагогикалық колледжінде «Теориядан практикаға: Агроөнеркәсіптік кешеннің болашақ мамандарына арналған білім беру ортасы» атты диалог алаңы өтті, онда Сергей Игорьевич Жолик «CT Assembly» ЖШС бас директоры, Михаил Сергеевич Золотухин «CT Assembly» ЖШС өндірістік директоры,Claas KGaA GmbH (Германия) дуальды оқыту жүйесінің халықаралық бөлімінің басшысы Виктор Эсау, Claas KGaA GmbH (Германия) HR менеджері Сюзанна Курт, дуальды оқыту жүйесінің ұйымдастыру бөлімінің басшысы Claas Алексей Пронченок қатысты.
«Жоғары Солтүстік Қазақстан кәсіптік-педагогикалық колледжі» КМҚК CLAAS және HORSCH брендтерінің ауыл шаруашылығы техникасын құрастыру жөніндегі бірлескен кәсіпорны – «CT Assembly» ЖШС-мен шартқа отырды.Сонымен қатар, колледж, «CT Assembly» ЖШС кәсіпорны және «Ауыл шаруашылығын механикаландыру» мамандығының дуальді білім беру бағдарламасына қатысуға іріктеуден сәтті өткен 2 курстың 8 студенті арасында үшжақты келісім-шарттар жасалды.
Бұл ынтымақтастық теориялық білім, практикалық тәжірибемен тиімді ұштасатын бірегей оқу ортасын жасайды. Бұл түлектердің біліктілігін арттырып қана қоймай, олардың заманауи агроөнеркәсіп кешеніндегі нақты жұмыс жағдайына дайын болуын қамтамасыз етеді.
Бағдарламаны аяқтағаннан кейін бітірушілер алған мамандығы мен біліктілігі көрсетілген техникалық және кәсіптік білім туралы мемлекеттік үлгідегі диплом алады.
Осы бағдарлама бойынша студенттердің алғашқы түлектері 2027 жылдың маусым айында күтілуде.