2024 жылғы 15 тамызда «М. Жұмабаев атындағы жоғары колледж» КМҚК базасында директорлар мен директорлардың оқу-тәрбие жұмысы жөніндегі орынбасарлары үшін «Техникалық және кәсіптік білім беру жүйесіндегі цифрландырудың заманауи үрдістері» тақырыбында педагог қызметкерлердің Республикалық тамыз конференциясы шеңберінде секциялық отырыс өтті. Секциялық отырыстың мақсаты цифрландыру және жасанды интеллект технологияларын енгізу жағдайында білім беру жүйесін дамытудың бірыңғай тәсілдерін қалыптастыру болып табылады. Техникалық және кәсіптік білім беру жүйесінде цифрлық технологияларды дамыту перспективаларын, техникалық және кәсіптік білім беруді цифрландырудың үздік халықаралық практикалары мен модельдерін зерделеуді, педагог кадрларды даярлау кезінде білім беру процесін цифрландыруды, оқу процесінде АИ-технологияларды пайдалану бойынша бірыңғай тәсілдер мен ұсынымдарды әзірлеуді талқылады.