Солтүстік Қазақстан облысының орталығында Наурыз мерекесіне арналған «КҮЙ КҮМБІРІ» республикалық домбырашылар челленджіне старт берілді, оған мектеп оқушылары, қосымша білім беру ұйымдары мен колледж студенттері арасынан 100-ден астам адам қатысты.
Челлендждің негізгі мақсаты – білім алушылардың рухани-адамгершілік мәдениетін, эстетикалық, патриоттық сезімдерін тәрбиелеу, елдің мәдени мұрасын сақтау, балалардың домбырада орындау өнерін насихаттау.
Осы іс-шара аясында «Балбырауын», «Адай», «Көроғлы», «Ата толғау» және «Ерке сылкым» күйлерінің орындауындағы домбыра үні естілді.