ҰБТ-ның пәндер саны - үш міндетті (Қазақстан тарихы, математикалық сауаттылық, оқу сауаттылығы) және екі профильді.
Оқу сауаттылығы және математикалық сауаттылық бойынша 10 тест тапсырмасы (шекті балл – 3), Қазақстан тарихы бойынша 20 тапсырма (шекті балл – 5). Профильді пәндер бойынша – 40 (шекті балл – 5).
Барлығы 120 тапсырма.
Ең жоғары ұпай – 140 балл.
Тестілеу ұзақтығы - 4 сағат (240 минут).
ҰБТ күніне 2 рет өткізіледі: 1 лек- 09.00-ден 13.00-ге дейін, 2 лек - 14.30-дан 18.30-ға дейін.
Тестілеу нәтижесі тестілеу аяқталғаннан кейін бірден қолжетімді болады.
Тест тапсырмасының мазмұны бойынша апелляцияға өтініш тестілеу аяқталғаннан кейін 30 минут ішінде беріледі.
Апелляцияны Республикалық апелляциялық комиссия жүргізеді.
Пункттер заманауи бейнебақылау жүйесімен: «1 тестіленуші - 1 компьютер– 2 камера» қағидасы бойынша қамтамасыз етілген. Оқуға түсушілер тестілеу жүйесіне әрбір шығу және кіру кезінде компьютерде орнатылған алдыңғы камералар арқылы адам бетінің көлемдік-кеңістіктік нысаны авторизациялаудан өтеді.
Түлектер тестілеуді тапсыру орнын, күнін және уақытын дербес өзі айқындайды.
Ерекше қажеттіліктері бар (көру, есту, тірек-қимыл аппаратының функциялары бұзылған) балалар үшін тестілеуге қосымша 40 минут беріледі.
Шығармашылық дайындықты талап ететін білім беру бағдарламалары тобына түсуші тұлғалар үшін тестілеу ұзақтығы - 70 минут.