2023 жылғы 10 қарашада "Байкен Әшімов атындағы Петропавл машина жасау және көлік колледжі" КМҚК базасында "Аяла" қауымдастығының мүшелеріне "Педагог – психолог пен әлеуметтік педагогтың өмірлік қиын жағдайды шешудегі рөлі" тақырыбында семинар өткізілді. Отырыс басында ТжКБ ұйымдарының тәрбие жұмысы жөніндегі әдіскері, "Аяла" қауымдастығының басшысы Сауле Дулатовна Шарипова сөз сөйлеп, таңдалған тақырыптың өзектілігін атап өтті.
Отырыста қаралатын мәселелер белгілі бір жағдайлардың әсерінен туындаған өмірлік мәселелерді өз бетінше шеше алмайтын студенттерге қатысты болды. Мұнда оларға қажет болған жағдайда басқа құрылымдармен (ЦПО, Петропавл қаласы мен СҚО аудандары әкімдігі жанындағы кәмелетке толмағандарды және олардың құқықтарын қорғау жөніндегі комиссия, ювеналды полиция және т.б.) одан әрі іс-қимылдарды үйлестіре алатын әлеуметтік педагог және педагог-психолог көмекке келеді.
ПМЖКК педагог-психологы А.У.Омарова "Өмірлік қиын жағдайларда кәмелетке толмағандарды психологиялық сүйемелдеу ерекшеліктері" тақырыбында баяндама жасады. Қолайсыз отбасын әлеуметтік-педагогикалық сүйемелдеуді ПМЖКК әлеуметтік педагогы С.Р.Мустафина нақты мысалдармен атап өтті.
Баяндамаларды талқылағаннан кейін семинарға қатысушылар әлеуметтік педагог пен педагог-психологтың кураторлармен және шеберлермен бірлесіп жұмыс істеуінің мақсаты колледжде өмірлік қиын жағдайға тап болған студенттер санын азайту болып табылатынын атап өтті. Бұл ретте мынадай міндеттер орындалады: бір жағынан әкімшіліктің, әлеуметтік-психологиялық қызметтің және педагогикалық ұжымның, екінші жағынан студенттер, ата-аналар ұжымымен, қоғамдық құрылымдармен іс-қимылдарды үйлестіру; бұрын өмірлік қиын жағдайға тап болған студенттерді анықтау және шұғыл көмек көрсету; құқықтық сауаттылықты арттырудағы жүйелі тәсіл; салауатты өмір салтын насихаттау.