1 қазанда Қазақстанда Қарттар күні атап өтіледі. Қарттарға көмек пен құрмет қажет екенін еске салатын Қарттар күні бүкіл қоғам үшін үлкен маңызға ие, сондықтан 1991 жылдан бері халықаралық деңгейде тойланып келеді.
Осы жолы да колледждеріміз де шет қалмады. Олар әр түрлі іс-шаралар ұйымдастырды. Дөңгелек үстелдер, концерттік бағдарламалар. Солтүстік Қазақстан жоғары кәсіптік педагогикалық колледжі «Аяла» қарттар үйіне концерттік бағдарлама мен өздері жасаған тоқаштармен келді. М.Жұмабаев атындағы жоғары колледжде «Маған күлкі сыйла» акциясы ұйымдастырылып, студенттік парламент белсенділері өтіп бара жатқан қарттарға тәттілер сыйлады, Петропавл қаласының қызмет көрсету саласы колледжі әжелерге гүл шоқтарын сыйлады. Барлық колледждер арасында «Аяулы қарттарым!» челленджі басталды.