Информация по дополнительному образованию

Қосымша білім беру: әр бала үшін мүмкіндіктер кеңістігі

Облыста білім беру, спорт, мәдениет салаларында, сондай-ақ жеке және басқа да ұйымдар базасында кең ауқымды қызметтер көрсететін 87 қосымша білім беру ұйымы жұмыс істейді. Қалыптасқан желі балалардың қабілеттері мен таланттарын дамытудың тұрақты жүйесін құруға мүмкіндік береді.

Балаларға спорт секциялары мен шығармашылық үйірмелерге тегін қатысып, өз әлеуетін ашуға, көшбасшылық қасиеттерін, шығармашылық қабілеттерін дамытуға және денсаулығын нығайтуға мүмкіндік жасалған. Өңірде спорт секциялары, қызығушылықтары бойынша бірлестіктер және түрлі бағыттағы үйірмелер ауқымды жұмыс жүргізіп жатыр. Олардың басым бөлігі жалпы білім беретін мектептер негізінде жұмыс істейді, бұл қосымша білімнің қолжетімділігін қамтамасыз етеді.

Мемлекеттік шығармашылық және спорттық тапсырысты іске асыруға ерекше назар аударылады. «Даму бала» және «Арт спорт» бағдарламалары аясында балаларды өнер мен спортқа тарту қамтамасыз етіліп, олардың жан — жақты дамуына жағдай жасалуда.

Жүзеге асырылып жатқан шаралар балаларды қосымша біліммен қамтуды ұлғайтуға және олардың спортқа, шығармашылыққа, зерттеу ісіне деген тұрақты қызығушылығын қалыптастыруға ықпал етеді.

Өңірдегі қосымша білім беру – әрбір бала өз бағытын тауып, қабілетін аша алатын және болашақ жетістіктерге сенімді қадам жасайтын заманауи мүмкіндіктер кеңістігі.