2022 жылғы 23 желтоқсанда Байкен Әшімов атындағы Петропавл машина жасау және көлік колледжінде «CББ станоктарында токарлық және фрезерлік жұмыстар» құзыреттілік орталығы ашылды.
Ашылу салтанатына колледждің әлеуметтік серіктестері қатысты: «AVAGRO» ЖШС, «Поиск» ВФ ЖШС, ЗМО ЖШС, «С.М.Киров атындағы зауыт» АҚ, М.Қозыбаев атындағы СҚУ, ПЭТЗ ЖШС, ГУ-12, СҚО ББ.
Құзыреттілік орталығы WSK құзыреттілігі бойынша «СББ станоктарындағы токарлық жұмыстар» және «СББ станоктарындағы фрезерлік жұмыстар» бойынша аймақтың құрама командасы үшін оқу-жаттығу лагерін құруға мүмкіндік береді. Өйткені ол интерактивті мультимедиялық кешендермен, CTX 310 ecoline - СББ токарлық станокпен Ø 200 × 455 мм, DMC 635 V ecoline-790 × 560 мм тік фрезерлік орталықпен қамтамасыз етілген.
Арнайы пәндердің барлық оқытушылары осы жабдықта оқытылды. Орталық машина жасау саласының жас мамандарын сапалы даярлауды қамтамасыз етуге, жұмыс істеп тұрған қызметкерлердің біліктілігін арттыруға, өндірістік сипаттағы жұмыстардың белгілі бір түрін орындау бойынша қызметтер көрсетуге мүмкіндік береді.
Колледж директоры өз сөзінде: «Қазіргі заманғы құзыреттілік орталығының ашылуы – колледжді өз түлектерінің табысты әлеуметтенуін және артықшылығын қамтамасыз ететін инновациялық үлгідегі оқу орнының деңгейіне шығаруға сенімді қадам», – деп атап өтті.