Қазақстанда төтенше жағдай режимi кезеңiне мемлекеттiк әлеуметтiк көмектiң көлемi артты
Құрметтi Солтүстiк Қазақстан облысының тұрғындары сiздердiң назарларыңызға кезiнде жұмыспен қамтуды үйлестiру және әлеуметтiк бағдарламалар мәселелерi бойынша әлеуметтiк төлем ТЖ байланысты қолданылады Call-center 8(7152)46-73-39.
Мемлекет басшысының тапсырмасы бойынша ҚР Еңбек және халықты әлеуметтiк қорғау министрлiгi төтенше жағдай кезеңiне (бұдан әрi — ТЖ) азық-түлiк пен тұрмыстық жиынтығын алушылардың тiзiмiн кеңейттi.
Әлеуметтiк-еңбек саласындағы жекелеген мемлекеттiк қызметтер көрсету ережелерiне және төтенше жағдай кезеңiнде халықтың жекелеген санаттары үшiн азық-түлiк пен тұрмыстық жиынтықтарымен қамтамасыз ету қағидаларына Қазақстан Республикасы Еңбек және халықты әлеуметтiк қорғау министрiнiң Бұйрығымен тиiстi өзгерiстер енгiзiлдi.
Атап айтқанда, жоғарыда аталған тiзiмге барлық жастағы III топтағы мүгедектер мен жұмыссыз азаматтар қосымша енгiзiлдi.
Ендi азық-түлiк пен тұрмыстық жиынтықтарды азаматтардың келесi санаттары алатын болады:
- атаулы әлеуметтiк көмек алушылар қатарынан 6 жастан 18 жасқа дейiнгi балалар;
- медициналық-әлеуметтiк мекемелерде тұрақты тұратын мүгедектердi қоспағанда, 16 жасқа дейiнгi мүгедек балалар;
- медициналық-әлеуметтiк мекемелерде тұрақты тұратын мүгедектердi қоспағанда, барлық жастағы I, II, III топтағы мүгедектер;
- мүгедек баланы тәрбиелеушi;
- жұмыспен қамту мәселелерi бойынша жергiлiктi органда тiркелген жұмыссыз азаматтар.
Бүгiнгi таңда төтенше жағдай режимi енгiзiлген сәттен бастап шамамен 180 мың адам азық-түлiк және тұрмыстық жинақтармен қамтамасыз етiлген.
Осы көмек түрiн алушылардың тiзiмiн жергiлiктi атқарушы органдар жасайды.
Сонымен қатар, Қазақстанда ТЖ режимiн енгiзуге байланысты тiкелей қарым-қатынасты болдырмау мақсатында атаулы әлеуметтiк көмек алушыларға жәрдемақы тағайындауды автоматты түрде ұзартады. Ал бiрiншi рет өтiнiш бiлдiрген жағдайда учаскелiк комиссия байланыс құрылғылары арқылы тексеру жүргiзедi. Қызмет көрсету нәтижесi туралы ақпаратты азамат пошта немесе мессенджер арқылы алады.
Сондай-ақ бұйрықта төтенше жағдай кезеңiнде медициналық-әлеуметтiк сараптамадан өту «Электрондық үкiмет» порталы арқылы жүзеге асырылатыны көрсетiлген.
Түзетулерге сәйкес, егер қайта тексеру мерзiмi бiр ай iшiнде немесе төтенше жағдай кезеңiнде түссе, онда мүгедектiктi немесе еңбек ету қабiлетiнен айырылу дәрежесiн белгiлеу мерзiмi төтенше жағдай режимi кезеңiне автоматты түрде ұзартылады.
Бұл ретте төтенше жағдай кезеңiнде мүгедектiгi бойынша жәрдемақы төлеу бұрын белгiленген топ және жалпы еңбек ету қабiлетiнен айрылу дәрежесi бойынша жүзеге асырылады.