Солтүстік Қазақстан облысы әкімдігінің жұмыспен қамтуды үйлестіру және әлеуметтік бағдарламалар басқармасы (бұдан әрі - Басқарма) Қазақстан Республикасының аумағында шетелдік қызметкерлерді тарту Басқарма беретін рұқсаттар негізінде (Қазақстан Республикасының заңдарында көзделген жағдайларды қоспағанда) жүзеге асырылатынын хабарлайды.
Рұқсаттар тиісті әкімшілік-аумақтық бірлікке бөлінген квота шегінде беріледі.
Осыған байланысты, ағымдағы жылғы 1 қазанға дейін шетелдік жұмыскерлерді тартқысы келетін жұмыс берушілерге Басқарма атына алдағы жылға квота қалыптастыру үшін шетелдік жұмыс күшіне қажеттілікті (қосымшаға сәйкес) жолдау қажет.
Рұқсаттарды беру және (немесе) ұзарту үшін жұмыс берушілерден салық алымы алынады, оның экономикалық қызмет түріне және жұмысқа тартылатын шетелдік қызметкерлердің санатына байланысты 137-ден 250 АЕК-ке дейін мөлшерді құрайтынын қосымша хабарлаймыз.
Қосымша сұрақтар бойынша 8(715-2) 46-37-43 телефонына, zsp@sqo.gov.kz электрондық поштасына хабарласуға болады.