Халықты жұмыспен қамтамасыз ету жөнінде
Халықты жұмыспен қамтамасыз ету жөнінде 2021 жылдың 1 сәуірдегі жағдай бойынша облыста 5283 адам жұмысқа орналастырылды. 1758 жаңа тұрақты жұмыс орны құрылды.
Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған мемлекеттік бағдарламасын іске асыру.
Халықты жұмыспен қамту жөніндегі іс-шаралар Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы (бұдан әрі-Бағдарлама) шеңберінде жүзеге асырылады.
Жалпы, Бағдарламаға 4132 адам қатысты, оның ішінде 2897 адам немесе 70% - ы ауылдық жердің тұрғындары болып табылады.
Бағдарлама шеңберінде барлығы 1760 қатысушыға жұмысқа орналастыру бойынша шаралар көрсетілді, оның ішінде Халықты жұмыспен қамту орталықтары арқылы дерекқордағы бос жұмыс орындарына 527 адам жұмысқа орналастырылды.
Бағдарламаның бірінші бағыты аясында 2021 жылы техникалық және кәсіби мамандықтар бойынша 426 қатысушыны оқыту, сондай-ақ еңбек нарығында кәсібі және машығы талап етілуі бойынша жұмысшы кадрлерін қысқа мерзімді кәсіби оқытуға 263 адам жіберілді (жоспар-500 адам).
Бағдарламаның екінші бағыты бойынша «Жаппай кәсіпкерлікті дамыту» 2021 жылы жалпы сомасы 1,8 млрд. теңгеге 327 кредит беру жоспарлануда. Бұдан басқа Бағдарлама іс-шараларымен қарыздарын субсидиялау және кепілдендіру қаралған. «Бастау Бизнес» жобасы бойынша кәсіпкерлік негіздеріне 750 қатысушының оқытуын жүргізу жоспарлануда. Жаңа бизнес идеяларды іске асыруда 178,5 млн.теңге сомасында 306 грант берілді.
Бағдарламаның «Еңбек нарығын еңбек ресурстарының мобильдігі және халықты жұмыспен қамтуына жәрдемдесу арқылы дамыту» үшінші бағыты аясында ағымдағы жылғы 1 сәуірдегі жағдай бойынша әлеуметтік жұмыс орындарына 305 қатысушы еңбекке орналасты (жоспардағы – 455 адам), жастар практикасына 47 қатысушы жіберілді (жоспар - 376 қатысушы), қоғамдық жұмыстарға 1606 қатысушы жіберілді (жоспар-2811 адам)
2021 жылы облыс бойынша 9 751 811 мың теңге мөлшеріндебөлінген лимит шегінде 492 жұмыс орнын құра отырып, барлығы 20 инфрақұрылымдық жобаны іске асыру жоспарлануда
Жұмыспен қамтудың жол картасы жобасының аяқталғаннан кейін 272 жаңа тұрақты жұмыс орны ашылатын болады.
Коңыстандырушылар бойынша
Облыста республиканың өзге облыстарынан азаматтарды көшіру жөніндегі іс-шараларды ұйымдастыру жұмысы жалғастырылуда.
2021 жылда Нәтижелі жұмыспен қамтуды және жаппай кәсіпкерлікті дамытудың мемлекеттік Бағдарламасы аясында азаматтардың ерікті түрде көшуіне жәрдемдесу есебінен еңбек ресурстарының аумақтық ұтқырлығын ынталандыру жөніндегі іс-шаралар қарастырылған.
Бағдарламаға сәйкес ағымдағы жылы республиканың жұмыс күші мол өңірінен (Алматы, Жамбыл, Қызылорда, Манғыстау, Түркістан облыстарынан және Нұр-Сұлтан, Алматы және Шымкент қалаларынан) қоныс аударушылардың 688 отбасын (2412 адам) қабылдау жоспарланған.
2020 жылдың 1 сәуірдегі жағдай бойынша 385 адам бар 119 отбасы көшіп келді, осы отбасылар қоныс аударушыларды қабылдаудың өңірлік квотасына енгізілді және оларға жалпы сомасы 4,4 млн. теңге мөлшерінде көшуге арналған субсидия төлеу түрінде мемлекеттік қолдау көрсетілді және жалпы сомасы 55,06 млн. теңгеге тұрғын үйді жалға алу немесе сатып алу жөніндегі шығындарын төлеуге арналған субсидиялар төленді.
Осы отбасылар келесі областардан көшіп келді: Нұр-Сұлтан қаласынан – 42 отбасы (147 адам), Түркістан облысынан – 24 отбасы (73 адам), Алматы облысынан - 16 отбасы (50 адам), Шымкент қ. – 11 (39 адам), Жамбыл – 10 (38 адам), Қызылорда облысынан – 10 (22 адам), Алматы қ. – 5 (15 адам) және Маңғыстау облысынан – 1 (1 адам) және олар облыстың барлық аудандарында және Петропавл қ. орналастырылды.
Келген 385 адамның арасынан 182 адам еңбекке жарамды жастағы адамдар, олардың ішінен: 63 адам жұмысқа орналастырылды, 186 бала, 98 зейнеткер және 8 студент көшіп келді.
Қандастар бойынша
2021 жылдың 1 сәуірдегі жағдай бойынша жалпы саны 8 адаммен 6 этникалық қазақ отбасы келіп, соның ішінде елдер бойынша Өзбекстан Республикасынан 1 отбасы (1 адам), ҚХР – 2 отбасы (2 адам), Монғолиядан – 2 отбасы (4 адам) және Ресей Федерациясынан – 1 отбасы (1 адам) келді.
Қоныс аударған қандастардың қатарында еңбек жасындағылар 7 адам, соның ішінде: 1 жоғарғы білімді, 6- орта білімі бар.
Қандастарды қабылдау өңірлік квотасына 13 отбасы (37 адам) енгізілді, оларға жалпы сомасы 2,05 млн. теңгеге тұрғын үйді жалға алу немесе сатып алу жөніндегі шығындарын төлеуге арналған субсидиялар төленді.
Квотаға енгізілген 37 адамның арасынан: 21 адам еңбекке жарамды жастағы адамдар.
Кедейлік деңгейін төмендету
Тұтастай алғанда облыс бойынша 2021 жылғы 1 сәуірдегі аз қамтамасыз етілген азаматтардың саны 7,0 мың адамды құрады.
2021 жылғы 1 сәуірдегі жағдай бойынша мыналар:
- 1634 отбасындағы 6948 адамға мемлекеттік атаулы әлеуметтік көмек 148,9 млн. теңге сомасында тағайындалды;
- 355 отбасына 2,4 млн. теңге сомасында тұрғын үй көмегі тағайындалды. Облыс бойынша жыл басынан бері тұрғын үй көмегін алушы отбасыларының саны өткен жылдың сәйкес кезеңімен салыстырғанда 51,0%-ға немесе 180 отбасына төмендеді (2020 жылғы 1.04. – 353 отбасы).
9139 азаматқа 275,7 млн. теңге сомасында мереке күндеріне және атаулы күндерге, сондай-ақ өмірдің қиын жағдайында әлеуметтік көмек көрсетілді. Облыс бойынша ағымдағы жыл басынан бері әлеуметтік көмек алушылардың саны өткен жылдың сәйкес кезеңімен салыстырғанда 22,6%-ға немесе 2062 адамға ұлғайды (2020 жылғы 1.04. – 7077 адам).
Халықтың әлеуметтік жұтаң топтарын қолдау
Халықты әлеуметтік қорғау саласына жататын ұйымдар жүйесінің мемлекеттік құрылымына 1,6 мыңнан астам азамат тұратын және бүгіндері жұмыс істеп жатқан 8 әлеуметтік қамту орталығы және мүгедектерді сауықтыру орталығы жатады.
2021 жылғы 1 сәуірдегі жағдай бойынша облыс аумағында 38 үйде әлеуметтік көмек көрсету бөлімшелері жұмыс істейді, олар 3,5 мыңнан астам қарт азамат пен мүгедекке, кемтар балаларға және психоневрологиялық аурулары бар 18 жастан жоғары тұлғаға қызмет көрсетеді
Қолданыстағы заңнамаға сәйкес облыстың мүгедектігі бар адамдары (бұдан әрі - МБА) оңалтудың жеке бағдарламаларына сәйкес санаторлық-курорттық емдеумен, техникалық көмекші (орнын толтырушы) құралдармен, арнайы жүріп-тұру құралдарымен қамтамасыз етіледі.
Бекітілген бюджетке сәйкес 2021 жылға арналған республикалық бюджеттен бөлінген нысаналы трансферттер бойынша Әлеуметтік қызметтер порталы арқылы:
370 (112 кресло-арба сатып алынды) мүгедектер арбасын алу жоспарлануда;
248 (62 құрал сатып алынды) сурдо-техникалық құрал, оның ішінде 70 цифрлық есту аппаратын алу жоспарлануда;
522 (127 құрал сатып алынды) тифло-техникалық құрал сатыр алу жоспарлануда;
1112 протездік-ортопедиялық құралдарын сатып алу жоспарлануда.
4 адамды кохлеарлық импланттарға арналған (Cochlear және Med-el сөйлеу процессорлары) сөйлеу процессорларын ауыстыру қызметімен қамтамасыз ету жоспарлануда.
849 (18 адам қамтамасыз етілді) адамды санаторлық-курорттық емдеу қызметтерімен қамтамасыз ету жоспарлануда.
Қалалық және аудандық бюджеттердің қаражаты есебінен МБА міндетті гигиеналық құралдармен, жеке көмекшілер мен ымдау тілі мамандарының қызметтерімен қамтамасыз етіледі.
Ағымдағы жылғы 1 сәуірдағы жағдай бойынша 750 МБА міндетті гигиеналық құралдармен қамтамасыз етілді, 712 адам әлеуметтік қызметтермен қамтылды, оның ішінде жүріп-тұруы қиын 1-топтағы 524 МБА-ға жеке көмекшілер қызметі және 188 есту кемістігі бар МБА-ға ымдау тілі мамандарының қызметі көрсетілді.