Қазақстан Республикасы тәуелсiздiк жылдарында өз әлеуметтiк-экономикалық, мәдениеттiк және саясаттық дамуында елеулi жетiстiкке қол жеткiздi. 2030 жылға дейiнгi Қазақстанның даму Стратегиясында ұзақ мерзiмдi басымдылықтың бiрi кәсiптiк мемлекет құру болып белгiлендi. Бiздiң мемлекеттiң алдында тұрған жоғарғы кәсiби мемлекеттiк қызмет және басқарудың нәтижелi құрылымын құру iсiнде мiндеттердi iске асыру көбiнде мемлекеттiк қызметкердiң кәсiптiлiгiмен жасалады. Осы мәселеде айтарлықтай қадамның бiрi Қазақстан Республикасының мемлекеттiк қызметкерiнiң оң имиджiн құру болып табылады.
Мемлекеттiк қызметкердiң имиджiн құрастыру идеологиялық, саясаттық және мәдени аспектiлердi көздейдi. Мемлекеттiк қызметкердiң оң имиджiн құрастыру — күрделi және ұзақ процесс. Мемлекеттiк қызметкердiң имиджiн құрастыру процесi атқарушы билiктiң имидждiк саясатымен тығыз байланысты. Мемлекеттiк қызметкердiң оң имиджiне қойылатын негiзгi ережелер Қазақстан Республикасының Ар-намыс кодексiнде айқындалған, онда мынау белгiленген: «мемлекеттiк қызметтi атқару қоғам және мемлекет жағынан ерекше сенiм бiлдiруi болып табылады және мемлекеттiк қызметкерлердiң құлықтылық және моральдық-этикалық келбетiне жоғары талап қояды». Мемлекет осы бағытта мақсатты жұмыс атқаратынын атап айтуға болады. ҚР Үкiметiнiң 2007 жылғы 21 қыркүйектегi № 825 қаулысымен 2008-2010 жылдарға мемлекеттiк қызметтiң оң имиджiн құрастыру және бекiту жөнiндегi iс-шаралар жоспары бекiтiлгенiн атап айту жеткiлiктi.
Әлемде мемлекеттiк сектор үнемi қоғам өмiрiнiң назары ортасында тұрады. Бiрақ, мемлекеттiк қызмет саласындағы реформаны, басқару құрылымын бекiту, жетiлдiруi, ең бiр негiзгi тұлға — мемлекеттiк қызметкер — қоғам алдында бiлiктiлiксiз, кеңсешiл, жемқор болу себебiнен жетiстiкке жетпейдi. Қазақстан Президентi Н.Ә.Назарбаев мемлекеттi нәтижелi басқару үшiн мемлекетiк қызметкердiң қандай негiзгi қасиетке ие болу қажеттiлiгiн атады. Бұл — жоғары моральдiк жауапкершiлiк, кәсiптiк бiлiктiлiк, оны тәжiрибе жүзiнде қолдана бiлу, адалдық, белсендi өмiр ұстанымы. Мемлекеттiк қызметтегi әр адам өз жұмысының маңызын бiлу және өз елiнiң патриоты болуы тиiс.