2026 жылғы 19 қазанда Қызылжар ауданында Рухани келісім күніне арналған Діни бірлестіктер көшбасшылары клубының салтанатты отырысы өтті.
Іс-шара аясында Солтүстік Қазақстан облысының діни бірлестіктерінің басшылары Новоникольское ауылының бірқатар әлеуметтік маңызы бар нысандарын аралап, жергілікті көрікті жерлермен және округтің жетістіктерімен танысты.
Іс-шараның негізгі бөлігі ауылдық Мәдениет үйінде өткен Рухани келісім күніне арналған дөңгелек үстел болды. Кездесу барысында өңірдегі діни бірлестіктердің басшылары мерекеге орай құттықтау сөз сөйлеп, қоғамдағы бейбітшілік, өзара құрмет, бірлік пен келісімнің маңыздылығын атап өтті.
Сондай-ақ іс-шара аясында Рухани келісім күніне орай марапаттау рәсімі өтті. Қоғамдық келісімді нығайтуға, конфессияаралық диалогты дамытуға және түрлі діни бірлестіктер өкілдері арасындағы ізгі қарым-қатынастарды сақтауға қосқан үлесі үшін қатысушыларға алғыс білдірілді.
Рухани келісім күні конфессияаралық және этносаралық өзара іс-қимылдың, тату көршілік қарым-қатынастарды сақтаудың және қоғамда өзара түсіністік ахуалын қалыптастырудың маңыздылығын айқындайтын ерекше күн болып табылады.
Іс-шара мерекелік концертпен аяқталды. Концерт түрлі конфессия өкілдерінің бейресми жағдайда пікір алмасуына және қатысушылар арасындағы достық қарым-қатынастарды нығайтуға қосымша мүмкіндік берді.
Мұндай іс-шараларды өткізу сындарлы диалогты дамытуға, қоғамдық келісімді нығайтуға, өзара құрмет пен діни толеранттылық дәстүрлерін сақтауға ықпал етеді.
2026 жылғы 25 қыркүйекте Вознесенск кафедралдық соборының базасында Петропавл және Булаев епархиясы дін қызметкерлерінің жиналысы өтті.
Іс-шара барысында Солтүстік Қазақстан облысы әкімдігінің Дін істері басқармасының басшысы Р. И. Касенова дін қызметкерлері қызметінің өзекті мәселелеріне тоқталды.
Өз сөзінде Р. Касенова діни бірлестіктер жұмысының негізгі бағыттарын атап өтіп, Қазақстан Республикасының заңнама талаптарын сақтау, діни қызметті жүзеге асыру тәртібі, сондай-ақ мемлекеттік органдармен өзара іс-қимылдың белгіленген нормаларын сақтау қажеттігіне назар аударды. Діни бірлестіктер басшылары мен приход жетекшілерінің өз қызметін қолданыстағы заңнамаға сәйкес ұйымдастыру жауапкершілігіне ерекше көңіл бөлінді.
Протоиерей С. Первушин дін қызметкерлерінің тәртібіне қатысты мәселелерді қарастырып, дін қызметкерлерін белгіленген нормаларды мүлтіксіз сақтауға және өз міндеттерін жауапкершілікпен орындауға шақырды.Жиын соңында қатысушылар приходтардың қызметіне қатысты өзекті мәселелерді және жұмысты одан әрі жетілдіру міндеттерін талқылады.
19-24 тамыз аралығында Солтүстік Қазақстан облысы әкімдігінің Дін істері басқармасына қарасты Конфессияаралық қатынастарды талдау және дамыту орталығының қызметкерлері діни әдебиеттерді, діни мазмұндағы ақпараттық материалдарды және діни мақсаттағы заттарды таратуға арналған арнайы стационарлық үй-жайларға мониторинг жүргізді.
Мониторинг барысында мамандар аталған үй-жайлардың қызметіне қойылатын белгіленген талаптарды түсіндіріп, олардың сақталуына тексеру жүргізді.
Еске сала кетейік, Қазақстан Республикасының 2011 жылғы 11 қазандағы «Діни қызмет және діни бірлестіктер туралы» Заңының 9-бабы 2-тармағына сәйкес діни әдебиеттерді, діни мазмұндағы ақпараттық материалдарды және діни мақсаттағы заттарды таратуға тек ғибадат үйлерінде (ғимараттарында), діни білім беру ұйымдарында, сондай-ақ осы мақсатқа арнайы арналған стационарлық үй-жайларда ғана жол беріледі.
Мұндай үй-жайлардың орналасу орындарын облыстардың, республикалық маңызы бар қалалардың және астананың жергілікті атқарушы органдары айқындайды.
Діни әдебиеттерді тарату жөніндегі қызметті жүзеге асыру үшін арнайы стационарлық үй-жайлардың орналасуын келісу бойынша мемлекеттік көрсетілетін қызмет қарастырылған. Тиісті келісімді белгіленген талаптарға сәйкес келетін дүкен немесе өзге де үй-жай ала алады.
Мемлекеттік қызмет тегін көрсетіледі. Қызмет көрсету мерзімі – 15 жұмыс күні.
Мемлекеттік көрсетілетін қызмет туралы толық ақпаратпен электрондық үкімет порталындағы сілтеме арқылы танысуға болады.
Мониторинг жүргізу діни қызмет саласындағы заңнаманың сақталуын қамтамасыз етуге, сондай-ақ діни әдебиеттер мен діни мазмұндағы басқа да материалдарды тарату кезінде заңдылық пен тәртіпті қамтамасыз етуге бағытталған.
13-17 тамыз аралығында Тайынша ауданындағы Озерное ауылының Ұлттық қасиетті орнында, Бейбітшілік Патшайымы приходының аумағында XXVII Католик жастарының мерекесі өтті.
Іс-шара Қазақстанның әртүрлі өңірлерінен келген 200-ден астам жастың басын қосты. Сонымен қатар, Қырғызстан, Польша, Ресей, Словения және Өзбекстаннан келген қонақтар да қатысты.
Мерекелік іс-шараларға Астанадағы Пресвятая Дева Мария Архиепархиясының архиепископ-митрополиті Томаш Пэта, дін қызметкерлері мен басқа да шақырылған қонақтар қатысты. Қатысушылар қатарында Солтүстік Қазақстан облысы әкімдігінің Дін істері басқармасына қарасты Конфессияаралық қатынастарды талдау және дамыту орталығының теологы Е. Березина да болды.
Биыл ұйымдастырушылар дәстүрлі бағдарламаға христиандық дәстүрлермен танысудың жаңа форматын қосты. Жастар грек-католиктер қолданатын және православиедегі негізгі ғибадат ету дәстүрі болып табылатын византиялық ғибадат рәсімі туралы көбірек білуге мүмкіндік алды. Архиепископ Томаш Пэтаның айтуынша, әртүрлі христиандық дәстүрлермен танысу жастарға еліміздің рухани және мәдени сан алуандығын жақсырақ түсінуге көмектеседі.
Бағдарламаның ерекше бөлігін сенім, рухани қызметке шақырылу және христиандық тарихы мәселелеріне арналған тақырыптық форумдар құрады. Қатысушылар семинариядағы өмір туралы көбірек біліп, сондай-ақ Қасиетті жерге виртуалды саяхат жасай алды.
Жеке кездесу Ассизилік әулие Францискке арналды. 2026 жылы оның қайтыс болғанына 800 жыл толады. Қатысушылар әулиенің өмірімен, оның рухани мұрасымен және тұлғасының христиандық дәстүрдегі маңызымен кеңірек таныса алды.
XXVII Католик жастарының мерекесі рухани іс-шара ғана емес, сонымен қатар қарым-қатынас орнатуға, әртүрлі христиандық дәстүрлермен танысуға және өз сенім жолын пайымдауға мүмкіндік беретін орта болды.
12 тамызда Мамлют ауданның әртүрлі елді мекендерінен келген спортшылар мен жаттықтырушыларға арналған профилактикалық семинар өтті.
Қатысушылар алдында кіріспе сөз сөйлеген Нұрмағамбет Н. Дін істері басқармасы мен Конфессияаралық қатынастарды талдау және дамыту орталығының қызметі, сондай-ақ діни экстремизмнің алдын алу бағытында жүргізіліп жатқан жұмыстар туралы баяндады.
Семинардың практикалық бөлімін Орталықтың теологы Березина Е. өткізді. Кездесудің тақырыбы – «Діни сауаттылық және этносаралық келісім: бейбіт қоғамның негізі».
Семинар барысында қатысушылар Қазақстан Республикасы мен Солтүстік Қазақстан облысының аумағында қызмет ететін тіркелген діни бірлестіктер туралы, сондай-ақ дін саласындағы мемлекеттік саясаттың негізгі бағыттары жөнінде ақпарат алды. Діни саладағы Қазақстан Республикасы заңнамасының нормаларын түсіндіруге және оны бұзғаны үшін жауапкершілік мәселелеріне ерекше назар аударылды.
Спикер бейбітшілік пен тұрақтылықты сақтаудың, түрлі діндер мен мәдениеттер өкілдеріне құрметпен қараудың, сондай-ақ қоғамдағы барлық конфессия өкілдерінің бейбіт қатар өмір сүруінің маңыздылығын атап өтті.
Іс-шара соңында спортшылар мен жаттықтырушыларға арналған тренинг өткізілді. Интерактивті форматта қатысушылар діни сенімдерді, жеке пікірді және радикалды сипаттағы пікірлерді ажыратуды, сондай-ақ даулы жағдайларды талдауды және радикалдану белгілерін анықтауды үйренді.
Мұндай профилактикалық іс-шаралар халықтың діни сауаттылығын арттыруға, сыни ойлау қабілетін дамытуға, сондай-ақ қоғамдағы этносаралық және конфессияаралық келісім қағидаттарын нығайтуға ықпал етеді.
10 тамызда «Әлихан Бөкейхан атындағы №25 орта мектеп» коммуналдық мемлекеттік мекемесінде Солтүстік Қазақстан облысының педагог қызметкерлерінің тамыз конференциясы аясында педагогтер ұжымымен кәмелетке толмағандар арасындағы құқық бұзушылықтардың алдын алу және діни саладағы кәмелетке толмағандардың қауіпсіздігін қамтамасыз ету мәселелеріне арналған түсіндіру кездесуі өтті.
Қатысушылардың назарында тәрбие жұмысын ұйымдастырудың заманауи тәсілдері, «Адал азамат» бірыңғай тәрбие бағдарламасы мен «Заң және тәртіп» тұжырымдамасын іске асыру, сондай-ақ білім алушылардың азаматтық жауапкершілігін, патриотизмін, экологиялық мәдениетін, цифрлық қауіпсіздігін және тұлғалық құзыреттерін қалыптастыру мәселелері болды.
Кездесу барысында діни саладағы тәуекелдердің алдын алу мәселелеріне ерекше орын берілді. Іс-шараның негізгі мақсаты педагогтердің заманауи сын-қатерлер туралы хабардарлығын арттыру және кәмелетке толмағандар арасында деструктивті діни идеялардың таралуының алдын алудың тиімді шараларын түсіндіру болды.
Өткізілген кездесу педагогтердің кәсіби құзыреттілігін арттыру және олардың кәмелетке толмағандардың қауіпсіздігіне байланысты ықтимал тәуекелдерді уақтылы анықтауға және алдын алуға дайындығын нығайту бойынша жұмыстың маңызды бөлігіне айналды.
Іс-шара сындарлы және ашық атмосферада өтті. Қатысушылар қарастырылған мәселелердің өзектілігін және алынған ақпараттың тәрбие жұмысын ұйымдастыру мен білім алушылармен одан әрі өзара іс-қимыл жасау үшін практикалық маңыздылығын атап өтті.
Петропавл қаласының прокуратурасының бастамасымен 14 тамызда «Атамекен» кәсіпкерлер палатасының алаңында кәсіпкерлік өкілдерінің қатысуымен іс-шара өтті.
Кездесу «дөңгелек үстел» форматында ұйымдастырылып, спикерлер ретінде Солтүстік Қазақстан облысы әкімдігінің дін істері басқармасының басшысы Р. Касенова және Петропавл қаласы прокуратурасының қоғамдық мүдделерді қорғау бөлімінің прокуроры Д. Ақылбекұлы сөз сөйледі.
Қатысушыларға Қазақстан Республикасының діни қатынастар саласындағы қолданыстағы заңнамасы, сондай-ақ діни әдебиетті, өзге де ақпараттық материалдар мен діни мақсаттағы заттарды таратуға арналған стационарлық үй-жайларға қатысты соңғы өзгерістер мен толықтырулар туралы ақпарат жеткізілді.
Сонымен қатар, спикерлер кәсіпкерлерді қызықтырған барлық сұрақтарға жауап берді.
13 тамызда Конфессияаралық қатынастарды талдау және дамыту орталығы Қылмыстық-атқару жүйесі департаментінің теолог-мамандарына арналған оқыту семинарын өткізді.
Іс-шара қылмыстық-атқару жүйесі мекемелерінде профилактикалық және консультативтік жұмыстар жүргізетін мамандардың кәсіби құзыреттілігін арттыруға бағытталды.
Семинар барысында қатысушылар діни қауіпсіздікті қамтамасыз етудің өзекті мәселелерін, деструктивті діни ағымдардың белгілерін анықтаудың заманауи тәсілдерін қарастырып, сондай-ақ теологтардың сотталғандармен жұмыс жүргізуіндегі қызметінің практикалық аспектілерін талқылады. Бас бостандығынан айыру орындарында радикалды идеологияның таралуының алдын алу және конфессияаралық келісімді нығайту мәселелеріне ерекше назар аударылды.
Осындай оқыту іс-шараларын өткізу мамандардың кәсіби дағдыларын жетілдіруге, практикалық тәжірибе алмасуға және қылмыстық-атқару жүйесі мекемелерінде діни экстремизмнің алдын алу бойынша жұмыстың тиімділігін арттыруға ықпал етеді.
27 шілдеде Солтүстік Қазақстан облысының Дін істері басқармасына қарасты Конфессияаралық қатынастарды талдау және дамыту орталығының қызметкерлері әлеуметтік осал топтармен жұмыс жүргізетін жұмыспен қамту бөлімінің қызметкерлерімен профилактикалық түсіндіру жұмыстарын өткізді.
Кездесу барысында мамандар діни бірлестіктердің қызметін реттейтін Қазақстан Республикасы заңнамасының негізгі ережелерін егжей-тегжейлі түсіндіріп, сондай-ақ діни сипаттағы жалған және деструктивті ақпараттың белгілері туралы ақпарат берді.
Ақпараттық қауіпсіздік мәселелеріне ерекше назар аударылды. Қатысушыларға діни тақырыптағы ақпаратты тек ресми әрі сенімді дереккөздерден алуға, сондай-ақ әлеуметтік желілер арқылы таралатын және тиісті құзыреті жоқ күмәнді тұлғалар ұсынатын ақпаратқа сенбеуге кеңес берілді.
Іс-шара соңында мамандар қатысушылардың барлық сұрақтарына жауап беріп, оларды қызықтырған тақырыптар бойынша жан-жақты түсініктемелер берді.
Профилактикалық және ақпараттық-түсіндіру іс-шараларын өткізу жұмыстары алдағы уақытта да жалғасын табады
2026 жылғы 9 тамызда Конфессияаралық қатынастарды талдау және дамыту орталығының психологы С. Молжігітов Дене шынықтыру және спорт басқармасының мемлекеттік қызметшілерімен кездесу өткізді.
Іс-шараның мақсаты – мемлекеттік қызметшілердің діни сауаттылық деңгейін арттыру, зайырлы мемлекет қағидаттарын тұрақты түсінуді қалыптастыру, сондай-ақ Қазақстан Республикасының діни қызмет және мемлекет пен діни бірлестіктер арасындағы қатынастар саласындағы заңнамасы бойынша білімдерін жетілдіру.
Кездесу барысында қатысушыларға Қазақстан Республикасының дін саласындағы заңнамасының негізгі ережелері, зайырлылық қағидаттарын сақтау, діни саналуандылықты құрметтеу, сондай-ақ әртүрлі дүниетанымдық ұстанымдағы азаматтарға құрметпен қарау мәселелері түсіндірілді.
Мемлекеттің конфессияаралық бейбітшілік пен келісімді қамтамасыз етудегі, қоғамдық тұрақтылықты сақтаудағы рөліне, сондай-ақ діни мәселелерге қатысты ақпаратты алуға жауапкершілікпен қараудың маңыздылығына ерекше назар аударылды.
Кездесуге қатысушылар белсенділік танытып, өздерін қызықтырған сұрақтарын қойып, пікірлерін білдірді және жан-жақты жауаптар алды.
Осындай ашық диалогтарды өткізу құқықтық мәдениетті нығайтуға, сыни ойлау қабілетін дамытуға және ақпарат көздерін, әсіресе діни білім саласындағы ақпарат көздерін таңдауға саналы түрде қарауды қалыптастыруға ықпал етеді. Сонымен қатар мұндай іс-шаралар қоғамдық келісімді нығайтуға өз үлесін қосады.