КӘСІПКЕРЛЕР ПАЛАТАСЫНЫҢ ЖАНЫНДА МЕМЛЕКЕТТІК ОРГАНДАР МЕН БИЗНЕС ӨКІЛДЕРІНІҢ ҚАТЫСУЫМЕН ДӨҢГЕЛЕК ҮСТЕЛ ӨТКІЗІЛДІ

2024 жылғы 25 шілдеде «Атамекен» ҰКП жанында СҚО әкімдігінің Дін Істері басқармасының профилактикалық ақпараттық-түсіндіру жұмыстарын жүргізу шеңберінде СҚО әкімдігінің Кәсіпкерлік және индустриялық-инновациялық даму басқармасының қолдауымен дөңгелек үстел өтті. Іс-шараға облыстың ірі бизнес және құқық қорғау органдарының өкілдері қатысты.

Іс-шараның спикерлері ретінде ЖАО және құқық қорғау органдарының өкілдері А. Қожабаев-Конфессияаралық қатынастарды талдау және дамыту орталығының басшысы; Н.Нұрмағамбет – СҚО әкімдігінің ДІБ бас маманы; Е. Мырзағұлов - СҚО ПД ЭҚБ бөлімінің басшысы; Р. Насыров – СҚО прокурорының көмекшісі қатысты.

Іс-шарада келесі тақырыптар қарастырылды: «Дін саласындағы заңнаманы түсіндіру», «Терроризмді қаржыландырудағы қылмыстық жауапкершілік», «Дәстүрлі емес діни ағымдардың белгілері».

Дөңгелек үстелдің мақсаты-қоғамда деструктивті діни идеялардың таралуын болдырмау, кәсіпкерлер арасында дінтану сауаттылығын арттыру арқылы діни экстремизмнің алдын алу, дін саласындағы мемлекеттік саясатқа сәйкес түсіндіру жұмыстарын жүргізу және экстремистік ұйымдарды қаржыландыруға жол бермеу.