«Тайга» нарығында профилактикалық түсіндіру жұмыстары

2026 жылғы 22 қаңтарда СҚО ДІБ жанындағы Конфессияаралық қатынастарды талдау және дамыту орталығының қызметкерлері «Тайга» нарығының жұмысшыларымен профилактикалық жұмыс жүргізді.

Өткізілген іс-шара аясында қатысушыларға ақпараттық брошюралар таратылды. Таратылған материалдарда Солтүстік Қазақстан облысы әкімдігінің 2021 жылғы 8 қаңтардағы № 1 «Діни әдебиеттерді және діни мазмұндағы өзге де ақпараттық материалдарды, діни мақсаттағы заттарды таратуға арналған арнайы стационарлық үй-жайлардың орналасуы туралы» қаулысы қамтылды.

Қызметкерлер діни әдебиеттерді, діни мазмұндағы өзге де ақпараттық материалдарды (сувенирлік өнімдер, күнтізбелер және басқа да материалдар), сондай-ақ діни мақсаттағы заттарды (иконалар, таспихтар және т.б.) таратуға тек ғибадат ғимараттарында (құрылыстарында), діни (рухани) білім беру ұйымдарында, сондай-ақ облыстардың, республикалық маңызы бар қалалардың және астананың жергілікті атқарушы органдары арнайы айқындаған өзге де стационарлық үй-жайларда ғана рұқсат етілетіні еске салынды.

Сонымен қатар, іс-шараға қатысушыларға Қазақстан Республикасының діни қызмет және діни бірлестіктер саласындағы заңнама талаптарын бұзғаны үшін жауапкершілік түсіндірілді.