Магжан Жұмабаев ауданының Советское ауылында «Заң және тәртіп» тұжырымдамасы аясында профилактикалық диалог өтті

2025 жылғы 5 желтоқсанда құқықбұзушылықтардың алдын алуға және азаматтардың құқықтық санасын арттыруға бағытталған «Заң және тәртіп» Тұжырымдамасын іске асыру аясында Магжан Жұмабаев ауданының Советское ауылында профилактикалық іс-шара өтті.

Іс-шараға прокуратура, полиция бөлімі, төтенше жағдайлар бөлімі, «Аmanat» партиясы филиалы және СҚО Дін істері басқармасының Конфессияаралық қатынастарды талдау және дамыту орталығының өкілдері қатысты.

Ашық диалог форматында халықпен интернет-алаяқтықтың, нашақорлықтың, кәмелетке толмағандар арасындағы құқықбұзушылықтардың алдын алу сияқты өзекті мәселелер талқыланды. Тұрғындарға бар тәуекелдер жөнінде түсіндіріліп, заңсыз әрекеттердің алдын алу бойынша ұсыныстар берілді.

Экстремизмнің қазіргі көріністері туралы баяндама жасаған СҚО Дін істері басқармасының Конфессияаралық қатынастарды талдау және дамыту орталығының сарапшы-талдаушысы Березина Е.О. болды.

Осындай іс-шаралардың өткізілуі мемлекеттік органдар мен халық арасындағы өзара іс-қимылды нығайтуға, сондай-ақ қоғамда құқықтық мәдениетті қалыптастыруға ықпал етеді.