Петропавл қаласында діни экстремизмнің алдын алуға бағытталған республикалық жоба басталды

2025 жылғы 16 маусымда Петропавл қаласында Қазақстан Республикасы Мәдениет және ақпарат министрлігіне қарасты Дін істері комитетінің арнайы жобасы аясында ақпараттық-түсіндіру іс-шараларының легі басталды. Жоба Солтүстік Қазақстан облысы әкімдігінің дін істері басқармасының қолдауымен жүзеге асырылуда және оның мақсаты — дәстүрлі рухани-адамгершілік құндылықтарды нығайту мен діни экстремизмнің алдын алу.

Жобаның алғашқы күні Петропавл қаласында республикалық ақпараттық-түсіндіру тобының (РАТТ) мүшелерінің қатысуымен семинарлар мен кездесулер өтті. Қатысушылар қатарында:
— Мустафина Т. – философия докторы (PhD), Л.Н. Гумилев атындағы Еуразия ұлттық университетінің (Астана қ.) оқытушысы;
— Нурахметұлы А. – теолог, «Діндерді зерттеу орталығы» ЖШС (Астана қ.) маманы.

Кездесулер студенттермен, оқытушылармен, жастармен және еңбек ұжымдарымен өтті. Онда келесі тақырыптар қозғалды:

«Деструктивті идеологияға қарсы тұру дағдылары»,

«Қоғамдағы дінтанулық сауаттылықтың маңызы»,

«Діни экстремизм мен терроризм қаупі» және басқа да өзекті мәселелер.

Аталған іс-шараларды Тайынша, Ғ. Мүсірепов, Айыртау және Қызылжар аудандарында жалғастыру жоспарланған.