Ағымдағы жылдың 20 қазанында жұмыспен қамту және әлеуметтік бағдарламалар бөлімі халықты жұмыспен қамту орталығымен бірлесіп бос орындар жәрмеңкесін өткізді.
Жәрмеңкенің мақсаты: азаматтарды ауданның бос жұмыс орындарымен таныстыру, еңбек нарығы туралы, жұмыскерлерге мұқтаж кәсіпорындар туралы, жұмысқа орналасу, қайта оқыту мүмкіндіктері туралы толық ақпарат беру.
Ауданның 17 кәсіпорын мен ұйымнан 40 бос жұмыс орны ұсынылды.
Бос орындары жәрмеңкесі барысында жұмыссыз азаматтарға еңбек нарығында сұранысқа ие кең профильді мамандықтармен танысуға мүмкіндік берілді. Жұмыссыздар жұмысқа жолдама алып, жұмыс берушілерге әңгімелесуге шақырылды.
Өткізілген бос орындар жәрмеңкесінің қорытындысы бойынша бос орындар жәрмеңкесіне қатысқан 21 азаматтың 9 — ы тұрақты жұмыс орындарына, 4 адам уақытша жұмысқа жолдама алды, қалғандарына бос жұмыс орындарының пайда болуына қарай лайықты жұмыс ұсынылады.
40 бос жұмыс орындары ішінен 31 бос жұмыс орны білікті мамандардың болмағандығына және жалақы мөлшерінің төмен болуына байланысты себебімен жабдықталмай қалды (хирург дәрігері — 1, дерматовенеролог дәрігері — 1, кардиолог — 1, онколог — 1, жалпы тәжірибе дәрігері — 2, стоматолог — 1, акушер гинеколог — 1, фельдшер — 1, мемлекеттік қызметке мамандар — 3, дене шынықтыру нұсқаушысы — 1, тіркеуші — 1, есепке алу жөніндегі нұсқаушы — 3, жол жөніндегі маман — 1, полиция бөліміне мамандар (қатардағы, кіші және орта басшы құрам) — 3, слесарь-сантехник — 1, электрик — 1, жанармай құю операторы — 3, азық-түлік тауарларын сатушы — 1, күзетші — 2, жұмысшылар — 2).
З. Жүнісова,
жұмыспен қамту және
әлеуметтік бағдарламалар
бөлімінің бас маманы, 8(71542)22152