2025 жылғы 24 маусым күні аудан әкімдігінің кіші залында Қоғамдық кеңестің кезекті отырысы өтті. Отырысты кеңес мүшесі Ташкин С.К. төрағалық етті.
Отырысқа мемлекеттік органдар мен білім беру мекемелерінің өкілдері, Қоғамдық кеңес мүшелері және қоғам өкілдері қатысты.
Күн тәртібі бойынша аудандық білім бөлімі басшысының міндетін атқарушы Кабжанов М.Т. баяндама жасап, 2024 жыл ішінде бөлім тарапынан көрсетілген мемлекеттік қызметтер туралы және ағымдағы жылға арналған жоспарлар жөнінде ақпарат берді.
Отырыс барысында қатысушылар білім беру саласындағы өзекті мәселелерді талқылап, көрсетілетін қызметтердің сапасын арттыру және халықпен өзара іс-қимылды жетілдіру жөнінде ұсыныстар мен ұсынымдар айтты.
Отырыстың қорытындысы бойынша ұсынымдары бар хаттама жасалып, оның орындалуы бақылауға алынды.