2025 жылғы 29 қыркүйекте аудан әкімінің орынбасары Т.Қ. Сағитовтың төрағалығымен қылмыстық жазаны және қылмыстық-құқықтық ықпал етудің өзге де шараларын орындайтын мекемелердің қызметіне жәрдемдесу, сондай-ақ жазасын өтеген адамдарға әлеуметтік және өзге де көмек көрсету жөніндегі консультативтік-кеңесші органның отырысы өтті.
Отырыста келесі мәселелер қаралды:
1. Пробация әрекетіне жататын және бас бостандығынан айыру орындарынан босатылған адамдарды әлеуметтік - құқықтық және медициналық көмекпен қамту;
2. Пробация қызметі тобының қоғамнан оқшаулауға байланысты емес жазаға сотталған адамдармен және бас бостандығынан айыру орындарынан босатылған адамдармен жүргізген тәрбие жұмысы туралы.
Отырысқа Үйлестіру кеңесінің мүшелері қатысты. Отырыс қорытындысы бойынша қаралған мәселелер бойынша нақты ұсыныстар берілді.