2025 жылғы 2 маусымда Солтүстік Қазақстан облысы Уәлиханов ауданында Әдеп жөніндегі уәкіл Талғат Сағитов мемлекеттік қызметке жаңадан қабылданған жас маманмен жеке қабылдау өткізді. Іс-шара Мемлекеттік рәміздер күніне орайластырылып, жас мемлекеттік қызметшінің мемлекеттік органдардағы жұмыс жағдайларына бейімделуіне жәрдемдесуге, сондай-ақ оның мемлекеттік рәміздердің маңыздылығы, қызметтік әдеп нормаларын сақтау және сыбайлас жемқорлыққа қарсы іс-қимыл туралы хабардарлығын арттыруға бағытталды.
Қабылдау барысында мемлекеттік рәміздерді дәріптеу, оларды пайдалануға байланысты құқық бұзушылықтарды уақтылы анықтау, тиісті шаралар қабылдау, ұлттық стандарттарды сақтау, сондай-ақ мемлекеттік рәміздер күнін мерекелеу мәселелері талқыланды.
Әдеп жөніндегі уәкіл мемлекеттік рәміздердің маңызды ұлттық құндылық ретіндегі маңызын атап өтті және оларды пайдалануға байланысты бұзушылықтар үшін заңнамада көзделген жауапкершілік түрлерін түсіндірді.