Уәлиханов ауданында дүние жүзілік сайлау күніне арналған шаралар өз бастауын алды.
Осы мерекеге арналған шаралар мәдени, білім ошақтарында, басқадай ұйымдар мен мекемелерде 3-7 ақпан күндері ұйымдастырылатын болады.
Кішкенекөл №2 орта мектебінде №525 учаскелік сайлау комиссиясының ұйымдастыруымен "Сайлау құқығы" атты танымдық сабақ өткізілді. Шараға қатысқан 8-10 сынып оқушылары.
Сабақ барысында учаскелік сайлау комиссиясының мүшелері С.Садвакасов, Г. Шапкенова жиналғандарға сайлаудың ерекшеліктері мен сайлаушылардың құқықтары мен міндеттері туралы баяндады. Танымдық шара тек қана баяндамалармен шектелмей, басқадай қызықты да танымды сұрақтар, ойынға ұласты.
Шараны ұйымдастырған учаскелік сайлау комиссиясының төрағасы Самат Шаяхметұлы Рыскелдин.
Өткізілген шара жиналған оқушылардың сайлау туралы өз білімдерін тереңдете түскені анық.